ԵՐԵՎԱՆ, ՄԱՅԻՍԻ 2 Ադրբեջանը Լաչինի միջանցքում՝ Հակարիի կամրջում, տեղադրած անցակետի մոտ ռենտգեն-սքաներ է տեղադրել։
Դեպքը տեղի է ունեցել ապօրինի անցակետ տեղադրելուց ուղիղ 10 օր անց։
Խոսքն ամերիկյան արտադրության Smiths Detection սքաների մասին է, որը կօգտագործվի հայկական բեռների ստուգման համար:
ԱՄՆ-ում արտադրված Smiths Detection սարքը ձեռքի ուղեբեռի զննման համակարգ է՝ հագեցած կոնվեյերով և թույլ է տալիս հայտնաբերել պայթուցիկ նյութեր։ Այս համակարգը համապատասխանում է բոլոր ժամանակակից պահանջներին և թույլ է տալիս CT տեխնոլոգիայի միջոցով ձեռքի ուղեբեռի և բեռի խորը ստուգում իրականացնել:
Հիշեցնենք, որ անցակետը տեղադրելուց բացի ադրբեջանցիները արցախցիներին ստիպել են կատարել իրենց պահանջները, տեսանկարահանել այդ գործընթացը` հերթական բեմականացումը ցուցադրելու համար:
Ադրբեջանական կողմը շարունակում է խախտել նոյեմբերի 9-ին ձեռք բերված եռակողմ համաձայնությունները։
