Աշխարհի ամենահարուստ հայը. Գալուստ Գյուլբենկյանի անհավանական պատմությունը

06.05.2025

Հայ Գործարար, բարերար և կոլեկցիոներ Գալուստ Գյուլբենկյանը՝ Պորտուգալիայի լեգենդ, աշխարհի ամենահարուստ մարդ, նավթային քաղաքականության անդրկուլիսյան խամաճիկավարը, ով աշխարհն ազատեց ամերիկյան մենաշնորհից։ Գյուլբենկյանը համաշխարհային մարդ էր, ով ուներ չորս անձնագիր։ Ժամանակակից էլիտաների ձևավորման կարևորագույն շրջանում նա եղել է բիզնեսի համաշխարհային լեգենդներից մեկը՝ հսկայական ռեսուրսներով, որոնք համեմատելի էին այն ժամանակի առաջատար հրեական կամ ամերիկյան կապիտալների հետ։

Եթե Հայաստանը լիներ այն ազգային պետությունը, որի կառավարմանը նա կարող էր վստահել իր հարստությունը, միգուցե այն ժամանակ նրա հայտնի հիմնադրամը` Պորտուգալիայի պարծանքը, լիներ հայկական հիմնադրամ՝ Հայաստանի պարծանքը։ Մեզ՝ որպես ազգի և կազմակերպված հասարակության, չհերիքեց ինչ-որ կարևոր բան ինքնությունը և համակարգը կառուցելու համար, որպեսզի այնպիսի մեծ ձեռներեցների և լեգենդների ժառանգությունն ու ռեսուրսները, ինչպիսիք են, թե Գյուլբենկյանը, և թե Մանթաշևը, չլուծվեին, այլ ծառայեին մեր հազարամյա ժողովրդի բարօրության համար մի քանի դար անց։