Ավանտյուրիստ՝ հայրենասերի դիմակով

28.09.2023

Տաթևի ճոպանուղու տոմսն աննկարագրելի թանկ արժե, հատկապես` հայաստանցիների գրպանների համար:

Դիլիջանի դպրոցը զուտ բիզնես նախագիծ է, որի աշակերտների մեծ մասը արտասահմանցի մեծահարուստների զավակներ ոն: Չունևոր հայերի համար սահմանափակ տեղեր կան: Դա էլ` ասելու համար թե դպրոցն աղքատ հայերի է կրթում:

Ավրորան միլիոնավոր դոլարների մսխման հարթակ է: Օրինակ Ջորջ Քլունիին մեկ միլիոն դոլար էր վճարվել` Հայաստան գալու համար և ուղարկվել էր մասնավոր օդանավ:

Տարեկան մեկ միլիոն դոլարի Ավրորայի մրցանակը տրվում էր օտարներին, փոխանակ հայկական նախագծերի վրա ծախսվելու: Մրցանակաբաշխության միջազգային ֆորմատը կազմակերպիչներին համաշխարհային էլիտայի համար անչափսիրելի և հարգված ֆորմատի մեջ էր մտցնում` հումանիտար ֆիլանտրոպիստների ակումբի, որտեղ Ռուբենն ու Նուբարը հսկայական նոր կապեր էին ձեռք բերում:

Մոսկվայի հայկական տաճարն ըստ էության ռուսահայ ֆսբշնիկների որջ է: Կաթողիկոսի եղբայր Եզրասի նստավայրն է և հաճախ ծառայում է որպես հայ-ռուսական հատուկ տիպի հարաբերությունների հանդիպման վայր: Տաճարը կառուցվել է այդ թվում Ռուբեն Վարդանյանի միջոցներով:

Ռուբենի մերձավորագույն գործընկեր Նուբար Աֆեյանի Մոդեռնան, որ ամենաէֆֆեկտիվ պատվաստանյութերից մեկն էր ստեղծել` Հայաստանին ոչ մի, բացարձակապես ոչ մի առաջնություն չտվեց Քովիդի օրերին` պատվաստանութը ստանալու հրատապության հարցում: Հայաստանին նաև անվճար մեծ խմբաքանակներ չտրամադրվեցին:

Հայկ ՄԱՐՏԻՐՈՍՅԱՆ