Արա Աբրահամյանն առաջարկում է Փաշինյանին փոխարինել իրենով, քանի որ ինքը «դիպլոմատիայի չեմպիոն է»

Նրա կարծիքով, ՌԴ-ն լավ դաշնակից է, բայց ոչինչ չի կարող անել, քանի որ ՀՀ իշխանությունները Արցախը ճանաչում են Ադրբեջանի կազմում:

31.08.2023

Ես կարող եմ Փաշինյանին փոխարինել, դիպլոմատիայի աշխարհի չեմպիոն եմ: Այս մասին 24TV-ի «Հարցազրույց Կարպիս Փաշոյանի հետ» հաղորդման եթերում հայտարարել է Ռուսաստանի հայերի միության անփոփոխ նախագահ Արա Աբրահամյանը։

Աբրահամյանի համոզմամբ, իշխանափոխության հարցը արդիական է մնում, քանի որ այս իշխանությունները հանձնում են Արցախը և Հայաստանը։ Ըստ նրա չի կարելի Ռուսաստանին մեղադրել, քանի որ մեր ազգն էլ, իշխանությունն էլ ոչինչ չեն անում։

Աբրահամյանի կարծիքով, ՌԴ-ն լավ դաշնակից է, բայց ոչինչ չի կարող անել, քանի որ ՀՀ իշխանությունները Արցախը ճանաչում են Ադրբեջանի կազմում։