Արտյոմ Երկանյանը շնորհակալ է Ալեն Սիմոնյանին, որ չի միացել արձանը հանելու Չավուշողլուի պահանջին

14.06.2023

Ալեն Սիմոնյանը այսօր իրեն թույլ է տվել հայտարարել, որ Ազգային արժանապատվության ասպետներին նվիրված հուշարձանի տեղադրումը սխալ է եղել: Շնորհակալ եմ, որ դեռ չի միանում արձանը ապամոնտաժելու Չավուշողլուի պահանջին:

Էլ ավելի հետաքրքիր է, այն, թե ինչով է Սիմոնյանը իր դիրքորոշումը հիմնավորում: Նա ասել է որ «Նեմեզիս» գործողության մասնակիցներին չի կարելի խրախուսել, քանի որ, «ՍԽԱԼ Է ԱՐՏԱԴԱՏԱԿԱՆ ԿԱՐԳՈՎ ՀԱՐՑ ԼՈՒԾԵԼԸ»:

Ու անմիջապես շտապում է «զինաթափել» իր ընդիմախոսներին, պնդելով հետևյալը՝ «Չասեք, որ էնտեղ ինչոր դատական որոշում կար: Դա մեր դատարանի որոշումը չի»:

Կա՞ ինչ-որ մեկը, ով կկարողանա Սիմոնյանին բացատրել, որ «Նեմեզիս» գործողությունը իրականացրած բոլոր հերոսները օսմանահպատակ էին ու կատարել էին իրենց երկրի օրինական դատական ատյանի օրինական վճիռը:

Բայց ավելի կորևոր է այն է, որ կատարել էին իրենց ազգի պատիվն ու արժանապատվությունը պաշտպանելուն ուղված գործողություն:

Իսկ ու՞մ և ումի՞ց է պաշտպանում Սիմանյանն, արդեն դժվարանում եմ հասկանալ:

Արտյոմ Երկանյան