top of page

Արցախի իշխանությունները մոտակա ժամերին կհայտարարեն կապիտուլյացիայի մասին. տեքստը պատրաստ է

20.09.2023


Արցախի անվտանգության խորհրդի անդամներն ու նախկին նախագահները քննարկում են կապիտուլյացիայի տեքստը: Ստեփանակերտ, 20 սեպտեմբերի 2023



Արցախում ստեղծված սարսափելի իրավիճակի հանգուցալուծումը կլինի կապիտուլյացիան, որի մասին կհայտարարվի մոտակա ժամերի ընթացքում: Այս մասին հայտնում են Արցախի մեր աղբյուրները:


Այս քայլին Արցախի իշխանությունները գնում են «գերնպատակ ունենալով առաջնահերթորեն ապահովել բնակչության ֆիզիկական անվտանգությունը»:


Կբավարարվի Ալիևի պայմանը, փաստացի բարձրացվի սպիտակ դրոշ, լուծարված կհամարվեն Արցախի զինված ուժերը, Արցախի պետականության ատրիբուտները վայր կդրվեն, ըստ էության, Արցախը պաշտոնապես կհամաձայնվի Ադրբեջանի կազմի մեջ ինտեգրվելուն:


Ըստ պաշտոնական հաղորդագրության, Արցախի Հանրապետության նախագահ Սամվել Շահրամանյանը սեպտեմբերի 20-ին հրավիրել է Անվտանգության խորհրդի ընդլայնված նիստ։ Այս մասին հաղորդում են ԱՀ նախագահի աշխատակազմի տեղեկատվության գլխավոր վարչությունից:


Քննարկվել են Ադրբեջանի կողմից Արցախի դեմ սանձազերված պատերազմի հետևանքով ստեղծված իրավիճակը, հնարավոր զարգացումները և Արցախի Հանրապետության կողմից այս համատեքստում իրականացվող քայլերը:


Երկրի ղեկավարը նշել է, որ միջազգային դերակատարների արձագանքն Արցախում ստեղծված կացության և նրա հաղթահարման վերաբերյալ համարժեք չէ և որևէ գործնական քայլ չի ձեռնարկվում, ինչից ելնելով՝ Արցախը հարկադրված կլինի դիմել համապատասխան քայլերի՝ գերնպատակ ունենալով առաջնահերթորեն ապահովել բնակչության ֆիզիկական անվտանգությունը:

ԱՄՆ-ում բուժվող Պարգև Սրբազանը՝ տարօրինակ պատերազմի, չկոտրվելու, պատմության ու ապագայի մասին

bottom of page