22.05.2023
Արցախի խորհրդարանը ժամը 23:00-ին արտահերթ նիստ կգումարի: Այս մասին հայտարարություն է տարածել է Արցախի Հանրապետության խորհրդարանը:
Մեր տեղեկություններով, նիստին երիցս քննադատվելու է Փաշինյանի հերթական հայտարարությունն Արցախի հանձման մասին:
Հիշեցնենք՝ Նիկոլ Փաշինյանն այսօրվա ասուլիսին բաց ասել էր, որ Հայաստանը վերջնականորեն ձեռք է քաշում Արցախից և հորդորում արցախցիներին իրենց հարցերը լուծել ուղիղ Բաքվի հետ:
«86,6 հազար քառակուսի կիլոմետր տարածքային ամբողջականությունը Հայաստանը պատրաստ է ճանաչել և, մեր ընկալմամբ, Ադրբեջանը պատրաստ է ճանաչել ՀՀ 29,8 հազար քառակուսի կմ տարածքային ամբողջականությունը: 86,6 հազար քառակուսի կմ-ն ներառում է նաև Լեռնային Ղարաբաղը»:
Հենց այսպես հայտարարեց Նիկոլ Փաշինյանը՝ պատասխանելով հարցին, թե արդյո՞ք նշված տարածքը ներառում է նաև Արցախը և արդյո՞ք Հայաստանի կառավարությունը ճանաչում է Արցախը Ադրբեջանի մաս։
Նա նաև հավելեց հետևյալը.
-«Բայց նաև պետք է արձանագրել, որ մենք ասում ենք՝ ԼՂ հայության իրավունքների և անվտանգության հարցը պետք է քննարկվի Բաքու-Ստեփանակերտ ֆորմատով»:
