top of page

Արցախի կեղծ հույսերը և Լաչինի միջանցքը էկոակտիվիստներից իր բանակին փոխանցող Բաքուն

ԵՐԵՎԱՆ, ՄԱՅԻՍԻ 2 Ապրիլի 25-ին հայտնի դարձավ՝ 136 օր շրջափակման մեջ գտնվող Արցախը ռուս խաղաղապահների նոր հրամանատար ունի։ ՌԴ ՊՆ-ն պաշտոնական հաղորդագրությամբ հանդես եկավ Լենցովի՝ Արցախ մեկնելուց երկու օր անց։

Նշենք՝ Լեռնային Ղարաբաղում ռուս խաղաղապահների փոխարինումը պետք է տեղի ունենա տարվա մեջ առնվազն երկու անգամ՝ համաձայն ՌԴ նախագահ Վլադիմիր Պուտինի՝ 2020 թ․-ի նոյեմբերի 12-ի հրամանագրի։ Ապրիլի 26-ին ՀՀ իշխանությունը ԱԽ քարտուղարի հարցազրույցով «մեսիջ» փոխանցեց աշխարհին ու աշխարհից կտրված Արցախին՝ Լաչինի միջանցքը պատկանում է ՌԴ-ին, այնտեղ տեղի ունեցող իրադարձությունների պատասխանատվությունը ՌԴ-ինն է։ Այսպիսով, ՀՀ-ն կրկին քայլ էր անում շարժել ՌԴ «գործիքակազմը»։ Ալեքսանդր Լենցովը Ղարաբաղում ռուսական զորախմբի հինգերորդ հրամանատարն է։ Նրա նշանակումից ժամեր անց հետևեցին տարբեր հայտարարություններ՝ թե պաշտոնական, թե արտապաշտոնական մակարդակով։ Առաջին պաշտոնական հաղորդագրությունը Արցախի ԱԳՆ-ից էր։ Սերգեյ Ղազարյանը ՀՀ Հանրայինից ասաց՝ Ստեփանակերտը կպարզի՝ որոնք են Բաքվի հետ հարաբերություններում ռուսական կողմի «կարմիր գծերը»։ Դրան հետևեց Արցախից մեկ այլ հաղորդագրություն․ ԱՀ ԱԽ նախկին քարտուղար Սամվել Բաբայանը Լենցովի նշանակումը կապեց Արցախի կենսական ճանապարհի բացման հնարավորությունների ստուգման հետ։ Բաբայանն Արցախից հայտարարեց՝ հեղինակության հարց է։ Երբ խաղաղապահների նոր հրամանատարի շուրջ խոսակցությունները մի քիչ սառչել էին, ապրիլի 27-ին՝ նախագահականում, նրան անձամբ ընդունեց Արցախի նախագահ Արայիկ Հարությունյանը, ընդգծեց, թե ստեղծված ռազմաքաղաքական իրավիճակում որն է ՌԴ խաղաղապահ զորակազմի դերը ու փոխանցեց Արցախի ակնկալիքները։ [PHOTO] Լենցովը ժամանեց Երևան։ Պաշտոնական Երևանը կրկնեց Արցախի հայտարարությունները։ Թվում էր նման զսպող և կաշկանդող հայտարարությունները պետք է հանգեցնեին արդյունքի ու պայթեին ինչ-որ մի տեղ։ Եւ ժամեր անց համացանցը ողողվեց այս վերտառությամբ լուրով՝ ադրբեջանցի «էկոակտիվիստները» դադարեցրել են ակցիան Լաչինի միջանցքում։ Ադրբեջանի կառավարության ներկայացուցիչները նրանց քառամսյա տևած բնապահպանական առաքելությունից հետ են կանչում․ «էկոակտիվիստները» նշել են՝ «բողոքի ակցիան չի հասել իր առջև դրված նպատակներին»։ Նրանք հայտարարեցին իրենց ակցիայի ավարտի մասին՝ շրջափակման էստաֆետը հանձնելով թուրք-ադրբեջանական կանոնավոր բանակին:

Ադրբեջանի սադրանքները դեռ երկար պիտի լարեն Արցախը․ ակցիան դադարեցնելու դեպքում իրավիճակը Արցախում չի փոխվում․ Լաչինում անցակետի տեղադրումը փոխարինեց «էկոակտիվիստների» ակցիային՝ նոր իրավիճակ թելադրելու հեռանկարով։ Հայկական կողմը դեռևս մեկնաբանություն չի տարածել այս առնչությամբ։ Արցախի ՆԳՆ-ից նշում են՝ «ակտիվիստները» այսօր երեկոյան վեցին պիտի հեռանային, բայց դեռ տեղում են։ Ո՞ւմ ձեռում է Լաչինի միջանցքը այս պահին։


コメント


«Քոչարյանին ասացի՝ ժողովուրդը ձեզ ատում է». Հարութ Սասունյանը՝ Քըրք Քըրքորյանի համեստության, մեր անփառունակ ոչ վաղ անցյալի և վտանգավոր ներկայի մասին | «Զրույցներ հայության մասին»

bottom of page