Զենքերը վայր դնելու ժամանակը


ՄԱԿ-ի գլխավոր քարտուղար Անտոնիու Գուտերիշը հանդես է եկել համաշխարհային հրադադարի կոչով:


«Մեր աշխարհը կանգնած է ընդհանուր թշնամու՝ COVID-19 կորոնավիրուսի առաջ: Վիրուսը խոցում է բոլորին՝ անկախ էթնիկ կամ խմբային պատկանելիությունից, ազգությունից կամ դավանանքից: Այն անգթորեն հարվածում է բոլորին: Միևնույն ժամանակ աշխարհով մեկ չեն դադարում զինված հակամարտությունները»,- Գուտերիշի հայտարարությունը ներկայացնում է ТАСС գործակալությունը:

Նրա խոսքով՝ առավել խոցելի են կանայք և երեխաները, հաշմանդամություն ունեցողները և տեղահանվածները, որոնք էլ առավել թանկ են վճարում:


«Եկեք չմոռանանք, որ պատերազմների մեջ գտնվող երկրներում բուժասանիտարական սպասարկումը վատ վիճակում է գտնվում: Բուժաշխատողները հաճախ հարձակումների են ենթարկվում: Կատաղի վիրուսը պատկերավոր կերպով ցուցադրում է պատերազմի խելահեղությունը: Այդ պատճառով կոչ եմ անում անհապաղ համաշխարհային հրադադար հայտարարել աշխարհի բոլոր անկյուններում: Եկել է ժամանակը վերջ դնելու զինված հակամարտություններին և համատեղ ջանքերը կենտրոնացնելու մեր ողջ կյանքի իրական պայքարում»,- ասել է Գուտերիշը:

Բոլոր իրավունքները պաշտպանված են: Yerevan.Online-ի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները կարող են չհամնկնել խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

0012 Երևան, Հ. Քոչարի 16

Էլ. հասցե՝ yvnonline@gmail.com

Գլխավոր խմբագիր՝ Աննա Սարգսյան