top of page

Երևանում անհնազանդության ակցիաներ են, տասնյակ բերման ենթարկվածներ կան

25.09.2023



Այսօր առավոտյան ժամը 8-ից Երևանում մեկնարկել են ընդդիմության հայտարարած անհնազանդության ակցիաները:


Ցուցարարները մի քանի խմբի բաժանված շրջում են Երևանի փողոցներում, պարբերաբար փողոցներ են փակում:


Նրանք մի քանի րոպեն մեկ դուրս են գալիս փողոցներ, 3-4 րոպե կոչեր են հնչեցնում, հորդորում են անցորդներին և վարորդներին միանալ իրենց:


Ոստիկանությունն էլ զուգահեռ հայտարարում է, որ ցուցարարների գործողություններն անօրինական են, կոչ է անում ազատել փողոցը, և ընդամենը մի քանի րոպե փողոցում անցկացնելուց հետո ցուցարարները հեռանում են մայթ, տեղափոխվում այլ փողոց և կրկնում նույն գործողությունները:


Փողոցներից մեկում ցուցարարները նաև աղբարկղերով էին փակել երթևեկությունը, բայց եղան վարորդներ, որոնք հարվածելով այդ աղբարկղերին շարունակեցին իրենց ճանապարհը:


Ակցիաներն ընթանում են մայրաքաղաքի տարբեր հատվածներում:


Նախապես հայտարարել են, որ անհնազանդության այս ակցիաները կշարունակվեն մինչև ժամը 11-ը:


Ներքին գործերի նախարարությունը հաղորդում է, որ այսօր ժամը 9-ի դրությամբ Երևանի փողոցներից բերման է ենթարկվել 53 քաղաքացի՝ ոստիկանության ծառայողի պահանջներին չենթարկվելու համար:


Քննչական կոմիտեն երեկ հայտնել էր, որ մայրաքաղաքում հավաքների ընթացքում կալանավորվել է 26 քաղաքացի:

Comments


ԱՄՆ-ում բուժվող Պարգև Սրբազանը՝ տարօրինակ պատերազմի, չկոտրվելու, պատմության ու ապագայի մասին

bottom of page