top of page

Երևան-Վանաձոր ճանապարհին մերկասառույցի պատճառով արգելափակվել է 700 ավտոմեքենա, վարորդներին խորհուրդ է տրվում ձեռնպահ մնալ երթևեկությունից և սպասել եղանակային պայմանների բարելավմանը

24.12.2023



Դեկտեմբերի 24-ի երեկոյան Արագածոտնի և Լոռու մարզերում առատ ձյան և մերկասառույցի հետևանքով արտակարգ իրավիճակ է ձևավորվել։ Երևան-Վանաձոր ճանապարհին՝ Ալագյազ գյուղից մինչև Սպիտակի ոլորաններ, 700-ից ավելի տրանսպորտային միջոց է արգելափակվել, այդ թվում՝ բեռնատարներ և ավտոբուսներ։


Պարեկային ծառայության աշխատակիցներն իրենց պարտականությունները կատարում են ոտքով. քաղաքացիների հետ նրանք ձյան գերությունից ավելի քան 250 մեքենա են հանել։ Խրված մեքենաների մի մասը դեռ ամառային անվադողերով են։


Այս մարզեր մեկնել պլանավորող վարորդներին խորհուրդ է տրվում ձեռնպահ մնալ երթևեկությունից և սպասել եղանակային պայմանների բարելավմանը։

Comments


Ռուսաստանից վերադարձել է Հայաստան և ստեղծել CreamLeo-ն՝ հայկական բնական քաղցրավենիքի արտադրանքը

bottom of page