Ըստ Ալեն Սիմոնյանի, մոտ ապագայում Հայաստանում ԵՄ-ին անդամակցելու հարցով հանրաքվե է անցկացվելու, նա վստահ է, որ ժողովուրդը կասի «այո»

27.06.2024

Հայաստանը կիսում է ԵՄ արժեքներն ու ցանկանում է Եվրամիության մաս լինել: Այս մասին Rus.LSM-ին ասել է ՀՀ Ազգային ժողովի նախագահ Ալեն Սիմոնյանը։

Նա հայտարարել է, որ օրեր առաջ Հայաստանի խորհրդարանում քննարկվում էր Հայաստանի՝ ԵՄ անդամ դառնալու շուրջ հանրաքվե անցկացնելու մասին հարցը։

«Կարծում եմ, որ մոտ ապագայում մենք կունենանք այս հանրաքվեն, և վստահ եմ, որ մեր ժողովուրդը կասի՝ այո»,- ասել է Ալեն Սիմոնյանը։