Ըստ Սեմյոն Բաղդասարովի՝ պաղստինցիների բախտը բերել է, որ նրանք Փաշինյան չունեն. «ՀԱՄԱՍ-ը 10-20-100 անգամ ավելի քիչ զենք ունի, քան ունեին Լեռնային Ղարաբաղի հայերը»
- 23 дек. 2023 г.
- 1 мин. чтения
23.12.2023
Պաղեստինցիների բախտը բերել է, իսրայելցիներինը՝ ոչ. Պաղեստինն իր Փաշինյանը չունի։ Այս մասին Alpha News-ի հարցազրույցում ասել է Մերձավոր Արեւելքի եւ Կենտրոնական Ասիայի երկրների ուսումնասիրության կենտրոնի տնօրեն Սեմյոն Բաղդասարովը։
Ռուսաստանցի փորձագետի խոսքով՝ ոչ ոք չէր սպասում ՀԱՄԱՍ-ի լուրջ դիմադրությանը, որը համարձակվում է կրակային հզորությամբ 18-րդ բանակին նման լուրջ դիմադրություն ցույց տալ՝ ըստ էության կանոնավոր զինված ուժեր չունենալով։
Սեմյոն Բաղդասարովը ընդգծել է, որ պաղեստինյան ՀԱՄԱՍ-ը «10-20-100 անգամ» ավելի քիչ զենք ունի, քան ունեին Լեռնային Ղարաբաղի հայերը։
Ղարաբաղցիներն ավելի շատ ունեին..., եւ ադրբեջանական բանակը իսրայելական բանակը չէ։ Թող Հայաստանում մտածեն։ Նման խայտառակություն Ղարաբաղի հայերը, առհասարակ հայերը երբեք չեն ունեցել։ Հայ ժողովրդի, այդ թվում Լեռնային Ղարաբաղի հայերի, խորհրդային եւ այլ նշանավոր մեր մարշալների ողջ պատմության ընթացքում, երբեք թշնամուն չեն հանձնվել, իսկ այժմ նրանք հեռացել են։ Ինչո՞ւ, կհարցնեք դուք։ Շատ պարզ. ես կասեմ։
Այ, պաղեստինցիների բախտը բերել է, իսկ Իսրայելինը՝ ոչ, որովհետեւ Պաղեստինն իր Փաշինյանը չունի, իսկ հայերն ունեցան։ Հայաստանի ղեկավարության այդ նեխած, կապիտուլյանտական, դավաճանական քաղաքականությունը հանգեցրեց այս ողբերգությանը»,- ասել է նա։
