25.05.2023
Դեռևս 1995 թվականին ռոքնռոլի թագուհի Թինա Թերները իր մտերմուհի Շերի հրավերով Լոս Անջելեսում մասնակցում էր Հայոց ցեղասպանության 80-րդ տարելիցին նվիրված միջոցառումներից մեկին, ուր հրավիրված էին ամերիկյան քաղաքական գործիչներ, արվեստի և մշակույթի ներկայացուցիչներ: Երգչուհուն մոտեցած Armenia Life Magazine ամսագրի թղթակցին Թերները ասել էր հետևյալը.
«Այն, ինչ տեղի է ունեցել 80 տարի առաջ Օսմանյան երկրում զարհուրելի, սարսափելի հանցանք է ոչ միայն ձեր, այլև բոլոր ժողովուրդների, մարդկային ամբողջ քաղաքակրթության հանդեպ: Հայերը՝ լինելով ամենատաղանդավոր ազգերից մեկը, անցել են կյանքի այդ դաժան փորձությունը, և այսօր միայն իրենց բնորոշ կամքով են դրսևորում ապրելու իրենց ձգտումը»: Հիշեցնենք, որ Թինա Թերները մահացել է նախօրեին՝ 83 տարեկանում:
