top of page

Թուրքիայում վճռորոշ օր է. Էրդողանի մրցակիցը Ռուսաստանին հորդորում է ձեռքերը հեռու պահել իրենցից

14.05.2023

Թուրքիայում մայիսի 14-ի առավոտյան մեկնարկել են նախագահական և խորհրդարանական ընտրությունները։


Նախագահական ընտրություններին մասնակցում են երկրի գործող ղեկավար Ռեջեփ Թայիփ Էրդողանը, Ժողովրդահանրապետական ​​կուսակցության առաջնորդ Քեմալ Քըլըչդարօղլուն և ATA դաշինքի թեկնածու Սինան Օգանը։


Նախագահական ընտրությունների առաջին փուլում հաղթելու համար թեկնածուներից մեկը պետք է հավաքի առնվազն 50 տոկոս գումարած մեկ ձայն։ Հակառակ դեպքում մայիսի 28-ին նախատեսված է քվեարկության երկրորդ փուլ։


Ընտրություններում Թուրքիայի գործող նախագահի գլխավոր մրցակիցը Քեմալ Քըլըչդարօղլուն է։ Նա մտադիր է Թուրքիան վերադարձնել այն խորհրդարանական համակարգին, որից Ռեջեփ Թայիփ Էրդողանը հեռացավ 2017 թվականի սահմանադրական փոփոխություններից հետո։


Քեմալ Քըլըչդարօղլուն քվեարկությունից առաջ Ռուսաստանից պահանջել էր «ձեռքերը հեռու պահել» Թուրքիայից և չմիջամտել ընտրություններին։


Ռուսաստանի Դաշնության իշխանությունները ի պատասխան հայտարարեցին, որ չեն միջամտում ընտրություններին և գնահատում են Թուրքիայի հետ հարաբերությունները։

Comments


ԱՄՆ-ում բուժվող Պարգև Սրբազանը՝ տարօրինակ պատերազմի, չկոտրվելու, պատմության ու ապագայի մասին

bottom of page