Բակերում նարդի են խաղում



Չնայած կեսգիշերից սկսված խստացված ռեժիմին, պարետի, ոստիկանության բազմաթիվ հորդորներին, երևանցիների առօրյայում քիչ բան է փոխվել երեկվանից հետո։


Մասնավորապես, Երևանի Շենգավիթ համայնքում տղամարդիկ այսօր առավոտից կրկին հավաքվել են բակերում, նարդի են խաղում, զրուցում։ Ոստիկանների կողմից բակային հսկողություն չի իրականացվում։


Էրեբունի վարչական շրջանում նույն պատկերն է։ Քաղաքացիներից քչերն են, որ անցագրերով են դուրս եկել տներից, այգիներում էլ մարդիկ շրջում են սովորականի պես։ Անցագրերի անհրաժեշտություն այնքան էլ չի լինում, քանի որ մի քանի տասնյակ շենքերի բնակիչներին հետեւելու համար նշանակված է երկու ոստիկան, որոնք քայլելով շրջում են միայն կենտրոնական փողոցով։


Նշենք, որ նախորդ գիշերվանից մարդկանց տեղաշարժի սահմանափակումներ են մտցվել, ըստ որոնց, քաղաքացիներին թույլատրվում է տնից դուրս գալ միայն խիստ անհրաժեշտության դեպքում եւ միայն անձը հաստատատող փաստաթղթով եւ անցագրով։


NEWS.am-ի հետ զրույցում ոստիկաններն ասացին, որ քաղաքացիների մեծ մասն անձնագիր ու լրացված անցագիր չունի, շատերը իրենցից են տեղեկանում դրանց անհրաժեշտության մասին։


Բոլոր իրավունքները պաշտպանված են: Yerevan.Online-ի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները կարող են չհամնկնել խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

0012 Երևան, Հ. Քոչարի 16

Էլ. հասցե՝ yvnonline@gmail.com

Գլխավոր խմբագիր՝ Աննա Սարգսյան