«Իմ քայլը»՝ ՀՀԿ-ի նմանակ

08.05.2020, ԵՐԵՎԱՆ

Մայիսի 8-ին խորհրդարանում տեղի ունեցած ծեծկռտուքից հետո ԱԺ փոխնախագահ Ալեն Սիմոնյանը հայտարարել է, որ դրան մասնակից Իմ քայլը խմբակցության պատգամավորներից ոչ մեկը մանդատը վայր չի դնելու: Հիշեցնենք, որ ԱԺ նիստի ժամանակ ԼՀԿ խմբակցության ղեկավար Էդմոն Մարուքյանի ելույթի ժամանակ նախ վեճ է բռնկվել նրա ու Սասուն Միքայելյանի միջեւ, ապա «լեգենդար հրամանատարը» հարվածել է Էդմոն Իմ քայլը՝ ՀՀԿ-ի նմանակՄարուքյանին, հարվածներ են հասցրել նաեւ Իմ քայլի այլ պատգամավորներ:


Ալեն Սիմոնյանն ասում է, որ անընդունելի էր մայիսի 8-ին Սասուն Միքայելյանին սադրելը: Նման մի բան է ասել նաեւ Իմ քայլի մեկ այլ պատգամավոր՝ Բաբկեն Թունյանը: Հիշվում է, ոչ վաղ անցյալում նման կերպ էին հակադարձում ՀՀԿ պատգամավորներն իրենց գործընկերների քայլերի համար:


Ինքը Ալեն Սիմոնյանը մի քանի օր առաջ կռվի էր բռնվել ադեկվադներից մեկի հետ եւ հարվածել նրա քթին, ի պատասխան հայհոյանքի: Հետո նա հայտարարել էր, որ սրանից հետո իրենց հայհոյողներին, իրենց սադողներին տրվելու է կոշտ պատասխան: Կարելի՞ է ասել, որ դա իշխող մեծամասնության որոշումն է, եւ այսօր խորհրդարանում ի կատար է ածվել այդ որոշումը:


Բոլոր երկրների խորհրդարաններում էլ լինում են բախումներ ու ծեծկռտուքներ, երբեմն քաղաքական-գաղափարական, երբեմն էլ կենցաղային հողի վրա: Միեւնույն ժամանակ, այսօրվա միջադեպի նրբությունը հենց դա է՝ ինչպես է հետայսու իրեն պահելու իշխող մեծամասնությունը: Նախորդ ռեժիմի ժամանակ, օրինակ, ամեն ինչ հստակ էր. օրինակ, երբ ծեծել էին ՀԱԿ պատգամավոր Արամ Մանուկյանին այն բանից հետո, երբ նա հայհոյել էր Սերժ Սարգսյանին, ՀՀԿ պատգամավոր Սեյրան Սարոյանը Արամ Մանուկյանին հորդորել էր ճշտել «մաստը»՝ հիմա ինքը գողակա՞ն է, թե խելոք մարդ, ինչպիսին ճանաչում էին նրան: Սեյրան Սարոյանը ճշգրիտ բնորոշել էր ոչ միայն իր ներկայացրած համակարգը, այլեւ խաղի կանոնը՝ մարդը չպետք է դավաճանի իր մաստին:


Հիմա, ներկայիս իշխող մեծամասնությունը հռչակում է այդ մշակույթը ամբողջությամբ մերժելու, բռնությունն ու նման բաները բացառելու մասին, ընդունում է օրենքներ, բայց անում է «հակառակ մաստի» գործողություններ ու հայտարարություններ: Ավելորդ է ասելը, որ այդպես ազնիվ չէ, եւ պետք է ճշտել խաղի կանոնները, որպեսզի բոլորի համար պարզ լինի իրավիճակը: Հակառակ դեպքում, իրավիճակը կդառնա քաոսային: Օրինակ, Սարոյանն ու ՀՀԿ-ն այդ առումով ազնիվ էին հանրության առաջ եւ չէին թաքցնում իրենց մտադրություններն ու գործելակերպը:

LRAGIR

Բոլոր իրավունքները պաշտպանված են: Yerevan.Online-ի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները կարող են չհամնկնել խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

0012 Երևան, Հ. Քոչարի 16

Էլ. հասցե՝ yvnonline@gmail.com

Գլխավոր խմբագիր՝ Աննա Սարգսյան