top of page

Լևոն Տեր-Պետրոսյանը ցավում է իր թրքասեր գաղափարակից ընկերոջ՝ Վիգեն Խաչատրյանի մահվան կապակցությամբ

22.06.2023


Լևոն Տեր-Պետրոսյանի ցավակցությունը Վիգեն Խաչատրյանի մահվան կապակցությամբ.


Խորապես ցավում եմ մեր երկրի ներկայիս իշխող վերնախավում ողջախոհությամբ և քաղաքական մտածողությամբ օժտված միակ անձնավորության՝ Վիգեն Խաչատրյանի անժամանակ մահվան կապակցությամբ: Ունակություններ՝ որ նա դրսևորել է նորանկախ Հայաստանում իր զբաղեցրած բոլոր պաշտոններում: Ուստի անկեղծ ցավակցությունս եմ հայտնում Վիգենի հարազատներին, ընկերներին և բարեկամներին:


Նշենք, որ Լևոն Տեր Պետրոսյանին և Վիգեն Խաչատրյանին միավորող ողջախոհությունը կայանում է երկուսի ընգծված թրքասիրության և Արցախն Ադրբեջանի կազմում տեսնելու մեջ:


ՔՊ-ն Խաչատրյանի մահով իրապես ծանր կորուստ ունեցավ, Վիգեն Խաչատրյանը թիմի առաջամարտիկներից էր, երբ ցանկացած պահի նետվում էր մարտի ու չէր վարանում հայրենադավ հայտարարություններ անել՝ արժանանալով հասարակության պարսավանքին: Խորհրդային տարիներին նա հայտնի էր կոմսոմոլում։ Սակայն 1990-ականներին կոմունիստական ​​խմբակցությունից նա անցավ տխրահռչակ ՀՀՇ կուսակցություն՝ ամբիոնից դատապարտելով իր նախկին կուսակցությանը։ Այնուհետև, ՀՀՇ-ից դուրս գալուց հետո Խաչատրյանը Վանո Սիրադեղյանի առաջարկով հիմնեց Ռամկավար-Ազատական ​​կուսակցությունը։ Հետո նա տարբեր պաշտոններ է զբաղեցրել գործադիր և օրենսդիր իշխանություններում։ Նախագահ Տեր-Պետրոսյանի հրաժարականից հետո Խաչատրյանը անցավ ստվեր, բայց շուտով նորից հայտնվեց քաղաքական ասպարեզում՝ միանալով Գուրգեն Արսենյանի Միավորված աշխատանքային կուսակցությանը, որով և դարձավ պատգամավոր: Վիգեն Խաչատրյանի քաղաքական գործունեության ամենավիճահարույց կողմերից մեկը Արցախը Ադրբեջանին հանձնելու գաղափարի համառ քարոզչությունն էր։ Չնայած նրա ջանքերին՝ այս գաղափարն այդպես էլ չիրականացավ մինչ նրա մահը: Խաչատրյանին իրավամբ կարելի է քննադատել իր քաղաքական գործողություններում անհետևողականության համար։ Նրա մշտական ​​կուսակցությունների և խմբակցությունների փոփոխությունը խարխլում էր նրա քաղաքական վստահությունը և տպավորություն էր թողնում, որ նա միայն անձնական շահին է հետևում 72 տարեկանում մահանալով՝ Վիգեն Խաչատրյանը թողեց բարդ հետք՝ լի հակասություններով և իրական դրդապատճառների անորոշությամբ։

Comments


«Քոչարյանին ասացի՝ ժողովուրդը ձեզ ատում է». Հարութ Սասունյանը՝ Քըրք Քըրքորյանի համեստության, մեր անփառունակ ոչ վաղ անցյալի և վտանգավոր ներկայի մասին | «Զրույցներ հայության մասին»

bottom of page