Խաբված չզգացող պապին

25.05.2020, ԵՐԵՎԱՆ

Նախօրեին Արտուշ պապի մասին Yerevan.Online-ի տեսանյութը լայն արձագանք ստացավ և տարաբնույթ մեկնաբանությունների առիթ դարձավ։ Նշենք, որ պապիկն ինքն էր փողոցում իրեն մոտեցած և որպիսությունով հետաքրքրված մեր թղթակցին պատմել, որ իրեն խաբել են և խնդրել էր այդ մասին տեսանյութ պատրաստել։

Ավելորդ շահարկումներից խուսափելու նպատակով տեսանյութում մենք զերծ ենք մնացել որևէ մեկնաբանությունից՝ խնդրելով պապիկին և իր դուստր Աստղիկին պատմել այն ամենն, ինչ իրենք ցանկանում են հասցնել լսարանին՝ բավարարվելով նվազագույն մոնտաժով։ Այս իմաստով Yerevan.Online-ի հասցեին որոշ ֆեյսբուքյան օգտատերերի կողմից հնչեցված մեղադրանքները միանգամայն անտեղի են։

Նշենք, որ այսօր էլ համացանցում Հովիկ Հունանյան օգտատիրոջ կողմից մի տեսանյութ է հրապարակվել, որում պապիկն ասում է, որ օգնություն է ստացել իրենից և դժգոհելու առիթ չունի։

Տեսանյութը նկարահանվել է երեկ երեկոյան։