Ծիծեռնակաբերդում՝ միայն ծիծեռնակներ

11 ապրիլի 2020, ԵՐԵՎԱՆ

Այս տարի ապրիլի 24-ին սահմանափակվելու է Հայոց ցեղասպանության զոհերի հիշատակի միջոցառումները, մասնավորապես, քաղաքացիներին չի թույլատրվելու այցելել Եղեռնի զոհերի հուշահամալիր: Այս մասին Ֆեյսբուքի իր էջում հայտնեց վարչապետ Նիկոլ Փաշինյանը: Ապրիլի 24-ին տեղի կունենա միայն արարողակարգային մասը, նույնը վերաբերում է նաև մայիսի 8-ին և 9-ին:


«Առաջիկա մեկ ամսվա ընթացքում մենք ունենք հիշատակի և տոն օրեր` ապրիլի 24-ը, Շուշիի ազատագրման օրը և Հայրենական մեծ պատերազմում տարած հաղթանակի օրը։ Այս միջոցառումներին քաղաքացիների մասնակցությունը պետք է սահմանափակվի։


Եթե մենք թույլ տանք, որ մասնակցությունը լինի սովորական ընթացակարգով, ապա կունենանք կորոնավիրուսի համավարակի անվերահսկելի բռնկում։ Ապրիլի 24-ին, մայիսի 8-ին և 9-ին տեղի կունենան միայն արարողակարգային միջոցառումներ, զանգվածային միջոցառումներ չեն լինի»,- ասաց Փաշինյանը։


Վարչապետը քաղաքացիներին խնդրեց ըմբռնումով մոտենալ այս որոշումներին։

Բոլոր իրավունքները պաշտպանված են: Yerevan.Online-ի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները կարող են չհամնկնել խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

0012 Երևան, Հ. Քոչարի 16

Էլ. հասցե՝ yvnonline@gmail.com

Գլխավոր խմբագիր՝ Աննա Սարգսյան