top of page

Ծննդյան 70 ամյակն է նշում Շավարշ Կարապետյանը՝ մեր ժամանակների անվախ ու համեստ հերոսը

  • YO
  • 19 мая 2023 г.
  • 1 мин. чтения

19.05.2023

Այսօր՝ մայիսի 19-ին, ծննդյան 70 ամյակն է նշում խորհրդային մարզիկ, աշխարհի ստորջրյա լողի տասնյոթակի չեմպիոն և տասնմեկակի համաշխարհային ռեկորդակիր Շավարշ Կարապետյանը, ով 49 տարի առաջ ջրի տակից փրկել է մահվան դատապարտված մարդկանց:


Այդ օրը նա եղբոր՝ Կամոյի հետ մարզվում էր Երևանյան ջրամբարի շրջակայքում: Նրա աչքերի առջև 15 համարի տրոլեյբուսը` կորցնելով հավասարակշռությունը, ընկել է լիճը:


Շավարշը չգիտեր, թե քանի մարդ կա տրոլեյբուսում: Նրանք եղբոր հետ շտապեցին անկման վայր՝ ճանապարհին հագուստները հանելով: Մտածելու ժամանակ չկար՝ Շավարշը պետք է ջրից հաներ մարդկանց, եղբայրն՝ ափում ընդուներ նրանց:


Ջուրը սառցակալած էր: Կարապետյանը լավ հասկանում էր, որ ինքն առավելագույնը 15 րոպե ժամանակ ունի: Նա ոտքերով կոտրել է ջրասույզ եղած տրոլեյբուսի ապակին, դուրս բերել առաջին կնոջը, ապա հանձնել եղբորը: Եվ այսպես 30 անգամ:


Որոշ ժամանակ անց, լճի ափին էին հավաքվել բազմաթիվ անցորդներ, որոնց թվում էր Շավարշի հայրը:


Ավելի ուշ մոտեցավ կռունկը, որի միջոցով դուրս է բերվել տրոլեյբուսը:


Այժմ փրկվելու հերթը Շավարշինն էր: Հիվանդանոցում մնալով 45 օր, նա ապաքինվեց երկկողմանի թոքաբորբից:

32-ամյա Լուսինե Զաքարյանի բացառիկ տեսագրությունը, 1969 թ.

Yerevan Online Magazine. Լուրեր Հայաստանից և ամբողջ աշխարհից

Բոլոր իրավունքները պաշտպանված են: Yerevan Online Magazine-ի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները կարող են չհամնկնել խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

0012 Երևան, Հ. Քոչարի 16

Էլ. հասցե՝ info@yerevan.online

bottom of page