top of page

Հայաստանի դեսպանը մեկնել է Բուչա և դատապարտել ռուսական ագրեսիան. Մոսկվան բողոքի նոտա է հղել Երևանին

10.06.2024



Ռուսաստանի իշխանությունները «ոչ բարեկամական քայլ» են համարում Ուկրաինայում Հայաստանի դեսպան Վլադիմիր Կարապետյանի այցը Բուչա քաղաք և ուկրաինացիների հետ ռուսական ագրեսիայի դեմ պայքարում համերաշխության հայտարարությունները։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։


Վլադիմիր Կարապետյանը հունիսի 2-ին Բուչա էր այցելել Երևանի Նոր Նորք վարչական շրջանի ղեկավար Տիգրան Տեր-Մարգարյանի հետ։ Ինչպես տեղեկացրին ՀՀ դեսպանությունից, պաշտոնյաները հարգել են 2022 թվականին ռուսական օկուպացիայի ժամանակ զոհված Բուչայի բնակիչների հիշատակը և ուկրաինացի բժիշկներին դեղորայքի տեսքով մարդասիրական օգնություն են հանձնել։


Զախարովայի խոսքով՝ Մոսկվան բողոքի նոտա է հղել Հայաստանի ԱԳՆ-ին, քանի որ «Ուկրաինայի զինված ուժերի կարիքներին օգնություն տրամադրելու և Ռուսաստանին ուղղված անընդունելի հայտարարությունների հետ կապված»։


«Ցավալի է, որ Հայաստանի իշխանությունները համերաշխ են դրան»,- հավելել է ՌԴ ԱԳՆ ներկայացուցիչը։

Comentários

Não foi possível carregar comentários
Parece que houve um problema técnico. Tente reconectar ou atualizar a página.

Ռուսաստանից վերադարձել է Հայաստան և ստեղծել CreamLeo-ն՝ հայկական բնական քաղցրավենիքի արտադրանքը

bottom of page