Հանուն Շուշիի անմահացածը

07.11.2020

Պաշտպանության նախկին նախարար Սեյրան Օհանյանը սոցցանցի իր էջում գրառում է կատարել և անդրադարձել Արցախում հերոսաբար զոհված ընկերոջը՝ մայոր Վահե Սիրունյանին.


«Հավերժ փա՛ռք քեզ, հայոց հնամենի բերդաքաղաք Շուշիի համար կյանքդ զոհած իմ Եղբա՛յր։

Խոնարհվում եմ Արցախյան հերոսամարտում իրենց կյանքը Հայրենիքին նվիրաբերած հայորդիների շիրիմների առաջ։

Գրկում ու համբուրում եմ հերոսներ ծնած մեր Մայրերին և Քույրերին»։


Հիշեցնենք, որ երեկ ադրբեջանական լրատվամիջոցները իրենց երազանքների հերթական ապատեղեկատվությունը դաշտ նետեցին՝ փորձելով հայ հասարակության մեջ հուսալքության սերմեր գցել: Տարածել էին, թե իբր վիրավորվել է պաշտպանության նախկին նախարար, գեներալ-գնդապետ Սեյրան Օհանյանը:

«Ադրբեջանական քարոզչամեքենան այս անգամ հերթական կեղծիքն է տարածում գեներալ-գնդապետ Սեյրան Օհանյանի մասին, թե իբր վերջինս վիրավորվել է: Իհարկե, թշնամին խորը պատճառներ ունի դրա մասին աղաղակելու, քանի որ գեներալ Օհանյանից ստացած հերթական դասը շատ ցավոտ է եղել, ու, համոզված եմ, դեռ էլի կստանա, որովհետև նա ողջ և առողջ է ու լիարժեք կատարում է իրեն վստահված պարտականությունները»,- այս առնչությամբ գրել էր Արցախի Հանրապետության նախագահի խոսնակ Վահրամ Պողոսյանը:

Բոլոր իրավունքները պաշտպանված են: Yerevan.Online-ի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները կարող են չհամնկնել խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

0012 Երևան, Հ. Քոչարի 16

Էլ. հասցե՝ yvnonline@gmail.com

Գլխավոր խմբագիր՝ Աննա Սարգսյան