Հարսնացուն Հյուսիսից

27.04.2020

Ռուսաստանի հայտնի միլիարդատեր Արկադի Ռոտենբերգի նախկին կինը՝ Նատալյա Ռոտենբերգը, ամուսնացել է ԱԺ նախկին ՀՀԿ-ական պատգամավոր Տիգրան Արզաքանցյանի հետ։ Ռոտենբերգն Instagram-ի իր էջում Արզաքանցյանի հետ լուսանկար է հրապարակել և գրել. «Ծանոթացեք, ներկայիս կողակիցն է»։ Ռոտենբերգի հետևորդները շնորհավորել են նրան` ընտանեկան երջանկություն ու փոխադարձ սեր մաղթելով զույգին։


Արզաքանցյան և Ռոտենբերգ զույգն այժմ մեկուսացել է Սևանում, որտեղից վերջինս արդեն իսկ տեսանյութ է հրապարակել` ցուցադրելով, թե ինչպես է մարզվում։ «Մարզվում ենք մաքուր օդում, ձնառատ Սևանում»,– տեսանյութին կից գրել է Ռոտենբերգը։


Spletnik կայքը հայտնել է, որ զույգն ամուսնացել է այս ապրիլին, իսկ միասին են 2018 թվականից։


Հիշեցնենք, որ Նատալյան Արկադի Ռոտենբերգի հետ ապրել է 8 տարի, իսկ ամուսնալուծվել են 2013–ին։ Նրանք երկու երեխա ունեն։ Ինչ վերաբերում է Տիգրան Արզաքանցյանին, ապա նա նույնպես ամուսնալուծված է, ունի երեք երեխա: Նատալյան առանց ամուսնու էլ է կարողացել մեծ հաջողությունների հասնել։ Նա անգամ երկու ընկերություն է հիմնել Հայաստանում` շինարարական և գինեգործական։


Իսկ ինչ վերաբերում է ՀՀ ԱԺ պատգամավոր, գործարար Տիգրան Արզաքանցյանին, ապա բազմաթիվ հրապարակումներ են եղել, որ նա Փարիզի արվարձանում 1,5-2 մլն եվրո գնահատվող առանձնատներից մեկի սեփականատերն է։

Բոլոր իրավունքները պաշտպանված են: Yerevan.Online-ի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: Կայքում արտահայտված կարծիքները կարող են չհամնկնել խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

0012 Երևան, Հ. Քոչարի 16

Էլ. հասցե՝ yvnonline@gmail.com

Գլխավոր խմբագիր՝ Աննա Սարգսյան