Մաստեռկլասս. ինչպես կարելի է սեփական անվտանգային համակարգի փլուզումը, պաշտպանական դիրքերի հանձնումն ու թշնամու կողմից հայկական գյուղերի ուղղակի թիրախավորումը ներկայացնել որպես աննախադեպ ձեռքբերում

19.04.2024

Այո, սահմանազատման գործընթացի արդյունքում ադրբեջանցիներն ավելի են մոտենալու Կիրանց և Ոսկեպար գյուղերին, բայց նրանց և մեր գյուղերը բաժանելու է սահմանազատված պետական սահման․ այս մասին հայտնել էր վարչապետի աշխատակազմի տեղեկատվության և հասարակայնության հետ կապերի վարչությունը՝ պատասխանելով «Արմենպրես»-ի գրավոր հարցերին:

Մեկ այլ հարցի, թե Ադրբեջանը ստանում է 4 գյուղ. ի՞նչ է ստանում Հայաստանը, պատասխանը հետևյալն է․ «Հայաստանի Հանրապետությունն այս գործընթացում ստանում է սահմանազատման հետ կապված և անվտանգային ռիսկերի նվազեցում»:

Ներկայացնում ենք այս թեմայի մասին ֆեյսբուքյան օգտատերերի արձագանքը /հեղինակների ուղղագրությունը պահպանված է/:

Նիկողոս Ավետիք Հովհաննիսյան

Լսում ե՞ք տավուշցիների խոսալը ոնց փոխվեց.

Բառացի ցիտում եմ.

Ասումա լրագրողին. «աղջիկ ջան, օրինակ, ինչի եք ասում տավուշի չորս գյուղերը տալիս են, բայց չեք ասում ադրբեջանը իրա չորս գյուղերնա վերցնում….լավ էլ կապրեք իրենց հետ»։

Բա, այ սենց բաներ,թե չէ՝ ընկել եք սար ու ձոր….

Թադևոս Հովհաննիսյան

Հայաստանի այն տարածքները, որոնք չեն հանձնվի թշնամուն, կտեղափոխվեն ակադեմիական քաղաք

Էդգար Ղազարյան

Հայաստանի Հանրապետությունը խորհրդարանական կառավարման համակարգ ունեցող երկիր է, որտեղ ժողովրդի առաջնային մանդատն ունեցող միակ սահմանադրական մարմինը Ազգային ժողովն է։ Ազգային Ժողովը վերահսկում է կառավարության գործունեությունը և իրավունք ունի անվստահություն հայտնել վարչապետին։ Ազգային ժողովի բոլոր 107 պատգամավորներն անձնական պատասխանատվություն են կրում այսօրվա իրավիճակի համար։ Այդ պատասխանատվությունից հնարավոր չէ խուսափել որևէ «խելամիտ» կամ անմիտ բացատրություններով։

Դավիթ Մարգարյան

Մաստեռկլասս այն մասին, թե ինչպես կարելի է սեփական անվտանգային համակարգի փլուզումը, պաշտպանական դիրքերի հանձնումն ու թշնամու կողմից հայկական գյուղերի ուղղակի թիրախավորումը ներկայացնել որպես աննախադեպ ձեռքբերում։

Երանելի ողորմելիներ... հա, չմոռանաք հանկարծ, ապագա կա!

Հ.Գ. Կլինի՞ մի օր գոնե փոքր առիթներից մի փոքր ուրախանանք։