28.02.2024
Խոր վշտով հայտնում ենք հայ ժողովրդի հավատարիմ բարեկամ Նիկոլայ Իվանովիչ Ռիժկովի մահվան մասին։
Նիկոլայ Իվանովիչը կյանքից հեռացավ փետրվարի 28-ին՝ 94 տարեկանում, խորհրդային երկրում ապրած տասնյակ միլիոնավոր մարդկանց սրտերում թողնելով միայն լավ հիշողություններ:
Որպես ԽՍՀՄ մինիստրների խորհրդի նախագահ Նիկոլայ Իվանովիչն իրեն դրսևորեց որպես զգայուն և արձագանքող առաջնորդ, միշտ պատրաստ օգնելու ծանր վիճակում հայտնված մարդկանց:
Նրա կյանքում առանձնահատուկ էջ է զբաղեցնում Հայաստանին օգնությունը։
Նիկոլայ Իվանովիչը մեր ժողովրդի համար դարձավ իսկական հույսի փարոս՝ հսկայական ներդրում ունենալով 1988 թվականի Սպիտակի ավերիչ երկրաշարժի հետեւանքների վերացման գործում։
Նա անխոնջ աշխատել է Ռուսաստանի և Հայաստանի միջև բարեկամության և համագործակցության ամրապնդման ուղղությամբ՝ լինելով Դաշնության խորհրդի անդամ:
Հայաստանի հանդեպ ունեցած անսահման սիրո համար Նիկոլայ Իվանովիչին շնորհվել է Հայաստանի ազգային հերոսի կոչում՝ դարձնելով նրան այս բարձր պարգեւին արժանացած միակ ոչ հայազգի անձը։
Մենք սգում ենք Նիկոլայ Իվանովիչի մահը։ Նրա պայծառ հիշատակը հավերժ կմնա մեր ժողովրդի սրտերում։
