Մեր հերոսը, մեր հայր սուրբը, ինչպես բոլորը, զենքը սուս-փուս հանձնել է, ոչ մի ինքնասպան էլ չի եղել

Իրականություն մի Քյոխի մասին

28.09.2023

Մեր հերոսը, մեր հայր սուրբը, մեր եղնիկների արծիվը, մեր ժողովրդի իդեալը, մեր զինվորականի տիպարը, մեր ժողովրդի դեմքը` զենքը, ինչպես խոստացել էր, վայր չի դրել, մինչև վերջին փամփուշտը կրակել-կռվել է, հերոսաբար պայքարել է, հետո ինքնասպան է եղել, զուգահեռաբար վերջին փամփուշտով դիրքում սպանվել է ու հերոսաբար` հավերժի ճամփորդ դառնալով` եկել հասել է Գորիս:

Նա անգամ զոհված և ինքնասպանված` Հակարիի կամուրջն ու ադրբեջանական դեմքի ճանաչման համակարգ ունեցող տեսահամակարգով է անցել:

Փա´ռք քեզ հայր սուրբ հրամանատար:

Ինքնասպանությունիցդ հետո բարով եկար Սյունիք, հետո` Երևան, այսինքն` դժոխք:

Հայկ ՄԱՐՏԻՐՈՍՅԱՆ