Մինչև հոսպիտալ տեղափոխվելը զոհվել է այսօր Սոթքում վիրավորված զինծառայողը. ՊՆ
- YO
- 17 мая 2023 г.
- 1 мин. чтения
17.05.2023
Սոթքի հատվածում հայկական դիրքի ուղղությամբ Ադրբեջանի ԶՈՒ բացած կրակի հետևանքով հրազենային վնասվածքներ ստացած զինծառայողը, մինչև հոսպիտալ տեղափոխվելը, զոհվել է, հայտնում է Պաշտպանության նախարարությունը:
Ռազմական գերատեսչության փոխանցմամբ՝ զոհված զինծառայողը 2003 թվականին ծնված Էդգար Վահանի Սուլեյմանյանն է:
Վիրավորում ստացած բուժակի առողջական վիճակը գնահատվում է բավարար, կյանքին վտանգ չի սպառնում:
Այսօր ավելի վաղը Հայաստանի ռազմական գերատեսչությունը հայտնել էր, որ Ժամը 16:15-ի սահմաններում, Ադրբեջանի զինված ուժերը կրակ են բացել Սոթքի ուղղությամբ տեղակայված հայկական դիրքի ուղղությամբ, ինչի հետևանքով վիրավորում է ստացել Հայաստանի ՊՆ զինծառայող, այնուհետև ադրբեջանական կողմը կրակ են բացել նրան տեղափոխող շտապօգնության մեքենայի ուղղությամբ, վիրավորվել է նաև բուժակը:
