Մի ստիպեք տուգանել

27.05.2020, ԵՐԵՎԱՆ

Վարչապետ Նիկոլ Փաշինյանը կառավարության այսօրվա նիստում նախազգուշացրեց չստիպել կառավարությանը, որ կոշտ մեթոդների դիմեն և դիմակների կրումը պարտադիր դարձնեն բոլոր վայրերում: Կառավարությունը կարող է այնպիսի որոշում ընդունել, որ եթե մարդը տանից դուրս գա առանց դիմակի, միանգամից տուգանեն:


«Եթե դիմակ կրելու դե ֆակտո պարտադիրության վերաբերյալ մեր ուղերձը չընդունվի, մենք հաջորդ քայլով նաև դե յուրե պարտադիր կդարձնենք դիմակի կրումն ընդհանրապես բոլոր տեղերում: Այսինքն՝ պարտադիր կդարձնենք, որ եթե մարդը մեն-մենակ նստած է զբոսայգում, և 10 կմ շառավղով ոչ մի ուրիշ մարդ չկա, բայց մենք դե յուրե պարտադիր կդարձնենք վերահսկողությունը: Մենք կարող ենք գնալ այն ճանապարհով, որ եթե առանց դիմակի մարդ կա, ուրեմն ինքը պետք է տուգանվի: Եվ իմ կոչն  ու հորդորն է դիմակ կրել»,- ասաց նա:


Վարչապետը նշեց, որ եթե կանոնները շարունակեն չպահպանել, «դեռ հարց կլինի՝ տան մեջ պարտադիր կլինի դիմակ կրելը, թե ոչ»: «Հետևաբար իմ կոչն է չստիպել կառավարությանը, որ գնա այդ ճանապարհով»,- հավելեց նա՝ պաշտոնյաներիn ևս նախազգուշացնելով, որ աշխատավայերրում պետք է դիմակներ կրեն: Կանոնները պահպանելով՝ ըստ վարչապետի՝ շատ արագ կունենանք համավարակի տեմպերի երկրաչափական անկում: