ԵՐԵՎԱՆ, 13.05.2024
71 ամյակն է նշում անվանի սրտային վիրաբույժ Հրայր Հովակիմյանը՝ մարդ, ով իր կյանքը նվիրել է կյանքեր փրկելուն, նոր կյանք պարգևելուն, ով Հայաստանում հիմք դրեց սրտային վիրաբուժությանը, ստեղծեց սրտային վիրաբուժության դպրոց:
Հրայր Հովակիմյանը ծնվել է 1953 թ. մայիսի 13-ին Հալեպում, 1977-ին ավարտել է Հալեպի համալսարանի բժշկական ֆակուլտետը։ Հայաստանի անկախացումից հետո եկել է հայրենիք եւ 1992-1993 թթ. աշխատել Երևանի Ա․ Միքայելյանի անվան վիրաբուժության ինստիտուտում։
1993 թ. «Նորք-Մարաշ» բժշկական կենտրոնում հիմնադրել է մանկական սրտավիրաբուժության բաժին։ 1996 թ. նրա նախաձեռնությամբ բացվել է նաև մեծահասակների սրտային վիրաբուժության բաժինը, որն առ օրս իրավամբ համարվում է լավագույնն իր ոլորտում:
Հրայր Հովակիմյանը «Նորք-Մարաշ» բժշկական կենտրոնի գլխավոր սրտային վիրաբույժն է, սրտային վիրաբուժության գծով վերապատրաստել է մեծ թվով բժիշկների։
Հրայր Հովակիմյանն արժանացել է ՀՀ ազգայի հերոսի բարձրագույն կոչման:
Նա նախընտրում է լռել իր մեծ գործերի մասին և ողջ էությամբ տարված է առաքելությունն իրականացնելով:
