«Պայթյունից այրվածները ցավից բղավում էին, բայց օգնող չկար». իրական դժոխք Ստեփանակերտում
- YO
- 25 сент. 2023 г.
- 1 мин. чтения
25.09.2023
Պայթյունից վիրավորում ստացածները ցավից բղավում են, բայց օգնող չկա։ Այս մասին NEWS.am-ի հետ զրույցում ասաց Ստեփանակերտի հարակից տարածքում՝ բենզինի պահեստում տեղի ունեցած ուժեղ պայթյունից վիրավորում ստացած Արմեն Բեգլարյանի հարազատը։
«Հարազատներս այնտեղ են եղել, վիրավոր վիճակում են : Մարդկանց այրվածքներն այնքան խորն են, որ մինչև ոսկորներն են հասել։
Մարդիկ ցավից բղավում են, բայց օգնող չկա, գոնե Կարմիր խաչը Հայաստան հասցնի այդ մարդկանց»,- պատմեց նա։
Տուժածի հարազատը պատմեց, որ իրենք գնացել էին բենզին վերցնելու, որպեսզի գան Հայաստան։
