16.02.2024
Ալեքսեյ Նավալնին մահացել է բանտում, հայտնում է Յամալո-Նենեց ինքնավար շրջանի դաշնային քրեակատարողական ծառայությունը: Գերատեսչության տվյալներով՝ 47-ամյա քաղաքական գործիչը «վատ է զգացել» թիվ 3 ուղղիչ գաղութում զբոսնելուց հետո։
Նրան փորձել են օգնել գաղութի բժիշկները և կանչված շտապօգնությունը։
«Կատարվել են բոլոր անհրաժեշտ վերակենդանացման միջոցառումները, սակայն դրական արդյունք չեն տվել։ Շտապօգնության բժիշկները հաստատել են դատապարտյալի մահը։ Մահվան պատճառները պարզվում են»,- ասվում է հաղորդագրության մեջ:
RT քարոզչական ալիքի աղբյուրը նշել է, որ Նավալնիի մահվան ենթադրյալ պատճառը արյան թրոմբն է:
Ալեքսեյ Նավալնին ռուս նացիոնալիստ էր՝ դեմոկրատի դիմակով: Նա հակահայ գործիչ էր, կողմ էր «Ռուսաստանը ռուսների համար» գաղափարախոսությանը, բազմիցս հանդես է եկել շովինիստական և նացիոնալիստական հայտարարություններով: Նավալնիի կողմնակիցները հերքում էին այդ հայտարարությունների ազգայնական բնույթը՝ մեկնաբանելով դրանք որպես հայրենասիրական:
2007 թ. YouTube-ի տեսահոլովակում Նավալնին խոսում էր «անօրինական միգրանտներին արտաքսելու անհրաժեշտության» մասին և կոչ անում «ռուսական ազգային գիտակցություն»։
2008 թ. Վրաստանի պատերազմի ժամանակ Նավալնին աջակցել է ռուսական բանակի գործողություններին և հայտարարել, որ «Վրաստանը պետք է պատժվի»։
2011 թ. Մոսկվայում կայացած հանրահավաքում Նավալնին ասում էր, որ «Ռուսաստանը ռուսների համար է» և կոչ արեց «սահմանափակել միգրացիան»:
2013. «Էխո Մոսկվի» ռադիոկայանին տված հարցազրույցում Նավալնին հայտարարեց, որ «Կովկասը խնդիր է Ռուսաստանի համար» և առաջարկեց «կառավարման հատուկ ռեժիմ» այս տարածաշրջանի համար։
