«Սրբազան» նախագիծը

05.05.2024

Ողբերգությունը այն չէ, որ այս մարդը նստել է մանկուրտների առջև:

Ողբերգությունն այն է, որ ինքը հավատարիմ է մնում իր եկեղեցու սուրբ առաքելությանը, իսկ իր եկեղեցին` ոչ:

Սա մեկ-երկու արքեպիսկոպոսի պայքար չպետք է լիներ:

Նորին պղծությունը եթե պղծություն չլիներ` ինքը` իր տիրացուներով ու կղերներով հանդերձ այս մի եպիսկոպոսի կողքին ասֆալտին նստած պիտի լիներ: Ողջ եկեղեցիով: Բոլոր տերտեր-աբեղա-վարդապետ-եպիսկոպոսներով: Բոլորով:

Ու պիտի ազատագրական պայքար սկսեին:

Դեռևս վաղուց:

Իրենց պարտքն է:

Պարտք, որը չեն կատարում:

Ինչպես ողջ ժողովուրդն է հրաժարվել իր հայրենիքի հանդեպ իր պարտքից:

***

Եթե Բագրատ եպիսկոպոսը հստակորեն իրեն հայտարարությամբ չի հեռացնում նախկիններից, ապա իր ողջ շարժումը ծառայելու է միայն ու միայն փաշինյանական ռեժիմի ու դրա դիրքերի ամրապնդմանը:

Պլեբսը կործանարար նախկիններին ավելի է ատում քան ցեղասպան ու հայրենահանձ ներկաներին: Պլեբսն այդպիսին է:

Ու նախկինների զանգվածային աջակցությունը եպիսկոպոսին` միայն ամրապնդելու է Փաշինյանի ռեժիմը: Եվ դա նախկինների ճամբարում հրաշալի գիտեն: Հրաշալի գիտե նաև Բագրատ եպիսկոպոսը: Ու եթե չանի այդ հայտարարությունը` ուրեմն ինքն էլ կներքաշվի պրոնիկոլյան օրակարգի կատարման ուղեծիր ու կծառայի դրան:

Հայկ Մարտիրոսյան