top of page

Վաշինգտոնում հանդիպումները ավարտվում են․ Միրզոյանը կգնա՞ Ռուսաստան

ԵՐԵՎԱՆ, ՄԱՅԻՍԻ 4


Արդեն երրորդ օրն է՝ Հայաստանի ու Ադրբեջանի արտգործնախարարները բանակցում են Վաշինգտոնում: Այսօր կանցկացվի բանակցությունների եզրափակիչ փուլը՝ ԱՄՆ պետքարտուղար Էնթոնի Բլինքենի մասնակցությամբ։ Հանդիպումը կմեկնարկի Երևանի ժամանակով ժամը 22.45-ին։ Միրզոյանը ավարտում է Վաշինգտոնում իր պաշտոնական այցը: Վերլուծաբանները հույս են հայտնում, որ դրանք չեն տապալվի։ Պետքարտուղարությունից կրկին կոչ են անում ուղիղ երկխոսության՝ որպես խաղաղության հասնելու միակ գործող միջոց։ Սպիտակ տունն էլ ողջունում է Երևանի ու Բաքվի արձանագրած առաջընթացը բանակցություններում՝ առանց բացելու առաջընթացային փակագծերը։

Ի դեպ, Նիկոլ Փաշինյանը ԱԺ-ում նախօրեին հայտարարեց՝ «Արևմուտքից մենք ոչ մի առաջարկ չենք ստացել, ռուսական առաջարկներ ենք ստացել և ընդունել ենք»:

ՌԴ ԱԳՆ-ն չի մեկնաբանել ԱՄՆ միջնորդությամբ հայ-ադրբեջանական բանակցությունները։ Զախարովան, սակայն, կրկին հաստատել է՝ շարունակում են «հավատարիմ մնալ եռակողմ պայմանավորվածություններին»․ «Վաշինգտոնում ընթացող հայ-ադրբեջանական բանակցություններն իրականացվում են առանց Ռուսաստանի, և պետք է իրենցից հետաքրքվել․ միգուցե վերջում կկարողանանք որոշակի տպավորություն ձևավորել, և դա իրավունք կտա մեզ՝ մեկնաբանել»։ հայտարարություների կատարման ջատագովը լինել»։

Միրզոյանը դեռ պիտի Ռուսաստան էլ գնա։ Բանակցությունների ընթացքի մասին տեղեկությունը սահմանափակ է։ Մանրամասների մասին հայտնի կլինի ավելի ուշ, երբ կամփոփվեն վաշինգտոնյան բանակցությունները:

Comments


Ռուսաստանից վերադարձել է Հայաստան և ստեղծել CreamLeo-ն՝ հայկական բնական քաղցրավենիքի արտադրանքը

bottom of page