Վլադիմիր Զելենսկին հայտարարել է, որ Ուկրաինայի զինված ուժերը պատրաստ են հարձակման

03.06.2023

Ուկրաինայի նախագահ Վլադիմիր Զելենսկին The Wall Street Journal-ին տված հարցազրույցում ասել է, որ Ուկրաինայի զինված ուժերը պատրաստ են հարձակման։

«Անկեղծ ասած, իրավիճակի զարգացման մի քանի տարբերակ կա՝ բոլորովին այլ։ Բայց մենք դա կանենք, մենք պատրաստ ենք»,- ասել է Զելենսկին։

Նախագահը նշել է, որ չի կասկածում Ուկրաինայի զինված ուժերի հաջողությանը, սակայն զգուշացրել է, որ Ռուսաստանի կողմից օկուպացված տարածքների ազատագրման համար ժամանակ է պետք։ Նա նաև հավելել է, որ հարձակման ընթացքում Ուկրաինան կարող է զգալի կորուստներ կրել, քանի որ Ռուսաստանը պահպանում է օդային գերակայությունը, իսկ Ուկրաինայի զինված ուժերը չունեն հակաօդային պաշտպանության համակարգեր։

«Մենք կցանկանայինք ունենալ որոշակի բաներ (արևմտյան զենք), բայց չենք կարող ամիսներով սպասել»,- եզրափակեց նա։

Ուկրաինայի իշխանությունները հարձակման մասին խոսում են 2022 թվականի վերջից։ Սկզբում սպասվում էր, որ այն կսկսվի գարնանը, սակայն հետագայում ժամկետները փոխվեցին։

Մայիսի 29-ին Ուկրաինայի նախագահ Վլադիմիր Զելենսկին ասել է, որ գերագույն հրամանատարի շտաբի նիստում որոշումներ են կայացվել ուկրաինական զորքերի «տեղաշարժի ժամկետների մասին»։