Վրաստանի խորհրդարանն առաջին ընթերցմամբ հավանություն է տվել «ԼԳԲՏ քարոզչության» արգելքին՝ գնալով Ռուսաստանի հետքերով

27.06.2024

Վրաստանի խորհրդարանն առաջին ընթերցմամբ ընդունել է «ԼԳԲՏ քարոզչությունն արգելող» օրինագիծը։

Փաստաթղթին կողմ է քվեարկել խորհրդարանական մեծամասնության 78 պատգամավոր։ Ընդդիմությունը բոյկոտել է քվեարկությունը։

Երկրորդ և երրորդ ընթերցումները տեղի կունենան 2024 թվականի աշնանը։

Քննարկվող օրինագիծը ներառում է տրանսգենդերների անցման արգելքը, միասեռ զույգերի կողմից երեխաների որդեգրումը, ԼԳԲՏՔ+-ի հետ կապված տեղեկատվության տարածումը։

Վրաստանում մշակված օրինագիծը նման է Ռուսաստանում գործող «ԼԳԲՏ քարոզչությունն» արգելող օրենքին։ Նախկինում Վրաստանն ընդունել էր «Օտարերկրյա գործակալների մասին» օրենք, որը կոչում են նաև ռուսական փաստաթղթի պատճեն։