Վրաստան ID քարտով մուտք գործելը՝ հերթական բլեֆ
- YO
- 10 июл. 2023 г.
- 1 мин. чтения
10.07.2023
ՀՀ արտաքին գործերի նախարարությունը երկար-բարակ տեքստով փորձել է բացատրել, թե ի վերջո ի՞նչ ճակատագիր ունեցավ նույնականացման քարտով, այսպես ասած, փոքր անձնագրով կամ ID-ով Վրաստան մուտք գործելու գործընթացը։
Փաշինյանի կաբինետը, հիշեցնենք, աղաղակում էր, թե առաջիկայում Վրաստան հնարավոր կլինի գնալ առանց ելքի արտոնագրի (ժողովրդի լեզվով ասած՝ կլոր կնիքի կամ «վիզա»-ի)։ Իրականությունը սակայն հիասթափեցնող է առավել քան։
Ինքս, օրինակ, մոտ մեկ ամիս սպասում էի (մոտ օրերս Վրաստան պետք է գնամ), թե Հայաստանն ու Վրաստանը երբ են վերջապես համաձայնության գալու նույնականացման քարտերով ազատ ելումուտ կազամկերպելու հարցում։ Բայց, պարզվում է, Վրաստանի պապենական իմ գյուղ գնալու համար, հին ու բարի ժամանակների նման, պետք է նախ «վիզա»-ի հարցը լուծեմ։
Վրաստան այցելելու հարցում, փաստաթղթաշրջանառությունը թեթևացնելու առումով, դարակազմիկ մի «առաջխաղացում», այուամենայիվ, արտաքին հարաբերություններով զբաղվող գերատեսչությունն ունեցել է։ Այն է՝ եթե ՀՀ քաղաքացու վավեր անձագրում (կապույտ անձնագրում) առկա է ելքի արտոնագիր՝ «վիզա», ապա նա, Վրաստանի հետ սահմանը հատելիս, այն կարող է չվերցնել իր հետ, փոխարենը՝ ներկայացնել նույնականացման քարտը։
Ըստ ԱԳ նախարարության՝ առանց կապույտ անձնագրի առկայության, մաքսկետերում էլեկտրոնային շտեմարանին հարցում անելով՝ հնարավոր կլինի ստուգել՝ տվյալ անձը վավեր «վիզա» ունի՞, թե՞ ոչ։ Կարճ ասած՝ ՀՀ իշխանության «ձեռբերումը» հետեւյալն է՝ ունենալ ելքի արտոնագիր, բայց կապույտ անձնագրի փոխարեն վերցնել նույնականացման քարտը։ Այնինչ, Վրաստան մեկնողը, հաստատ, չի զլանա իր հետ վերցնել մոտ 100 գրամ կշռող կապույտ՝ կլոր «վիզա»-ով անձնագիրը։
Սեւակ Վարդումյան
«ԱԶԳ»
