Փաշինյանն ինձ հետապնդում է անձնական պատճառներով, այսօր փորձելու է ինձ նորից կալանավորել. Չալաբյան
- 29 июл. 2022 г.
- 1 мин. чтения
Обновлено: 3 авг. 2022 г.
29.07.2022
Հասարակական քաղաքական գործիչ Ավետիք Չալաբյանն այսօր՝ հուլիսի 29-ին, նախքան դատական նիստի մեկնարկը՝ լրագրողների հետ հարզացրույցի ժամանակ, հայտարարեց, որ իրեն այսօր կալանավորելու են, և որ դա քաղաքական հետապնդում է։
«Ես նախօրեին հայտնվեցի ազատության մեջ, քանի որ կալանքի ժամկետը լրացավ: Այո, սա հետապնդում է Նիկոլ Փաշինյանի կողմից: Իր անձնական պատճառների մասին ես չեմ ուզում աօսր րեւէ հայտարարություն անել: Ի վերջո, դա հանրությանը հայտնի կդառնա: Բայց այն, որ սա քաղաքական հետապնդում է, այն, որ սա տարածվում է ընտանիքիս մյուս անդամների նկատմամբ, որևէ կասկած չկա։
Դուք գիտեք, որ երեկ եղբայրս հայտարարեց, որ ինքը հեռանում է Կենտրոնական բանկից։ Նա չի հեռանում Կենտրոնական բանկից․ 18 տարի աշխատելուց հետո, լինելով էդ բանկի առավել հեղինակավոր, պատկառելի և փորձառու ղեկավարներից մեկը, նա ստիպված է եղել հեռանալ, քանի որ Նիկոլ Փաշինյանի դրդմամբ դա նրանից պահանջել են և պահանջել են բացարձակ ապօրինի, քանի որ ԿԲ-ն անկախ մարմին է, գործադիր իշխանությունը որեւէ իրավունք չունի խանվելու ԿԲ գործերին»,-ասաց Չալաբյանը և հավելել, թե քանի որ այդ «միջամտությունը» ապօրինի է, ժամանակը կգա, և մեղավորները պատասխան կտան։
Անդրադառնալով հարուցված քրեական գործին, Չալաբյանն ասաց. «Սա ընդամենը պղպջակ է, թքած-կպցրած գործ է, որի միակ նպատակը եղել է ինձ ապօրինի կերպով ազատությունից զրկելը: Ինձ կալանավորելու եւ կալանքը երկարաձգելու որոշումներն ապօրինի են: Դրա համար այդ որոշումները կայացրած դատավորի՝ տխրահռչակ Արուսյակ Ալեքսանյանի նկատմամբ իմ փաստաբաններն արդեն կարգապահական վարույթ են հարուցել»:
Հիշեցնենք, որ Ավետիք Չալաբյանը մեղադրվում է ընդդիմության ցույցերին մասնակցելու նպատակով ուսանողներին նյութապես շահագրգռելու մեջ։
