top of page

Փաշինյանն իր ծննդյան օրը կհանդիպի Ալիևի՞ն․ մինչ այդ «կկարգավորվեն» հայ-թուրքական հարաբերությունները

ԵՐԵՎԱՆ, ՄԱՅԻՍԻ 2

Վաշինգտոնյան այցի առաջնափուլը բացվեց Ռուբինյանի մեկնման լուրով․ Հայաստան-Թուրքիա հարաբերությունների կարգավորման հարցերով բանագնաց Ռուբեն Ռուբինյանը գործուղվում է Վաշինգտոն։


Վեց օր նա կանցկացնի Վաշինգտոնում։ Թե ինչ պատվիրակությամբ է գործուղվում և ինչու, մանրամասներ չհաղորդվեցին։ Սակայն իշխանական կայքերից մեկը՝ մեր եզակի ու անդրդվելի հավաստի աղբյուրը, գործուղման ԱԺ նախագահի ստորագրած հրամանագրում նշեց Ռուբինյանին նաև որպես հայ-թուրքական հարաբերությունների կարգավորման բանագնաց։


Ավելի ուշ հայտնի դարձավ, որ ապրիլի 30-ից Վաշինգտոն կմեկնի նաև ԱԳ նախարարի գլխավորած պատվիրակությունը։ Գերատեսչության մամուլի հաղորդագրության մեջ Միրզոյանի՝ Վաշինգտոնում անցկացնելու «աշխատանքային այցում» ժամկետներ չեն նշում, սակայն, ի տարբերություն Ռուբինյանին գործուղելու առիթի, այստեղ կար որոշակիություն՝ Վաշինգտոնում կկայանա Հայաստանի և Ադրբեջանի միջև հարաբերությունների կարգավորման մասին պայմանագրի շուրջ քննարկումների հերթական փուլը։Իսկ ԱՄՆ-ից ավելի բացեցին հաղորդագրության տեքստը՝ Միրզոյանն ու Բայրամովը Վաշինգտոնում կմշակեն «կարգավորման ճանապարհային քարտեզը։


Վերջին անգամ Միրզոյանն ու Ռուբինյանը միասին մեկնել էին Թուրքիա՝ երկու ամիս առաջ։



Ռուբինյանը գրեթե երկու շաբաթ առաջ լրագրողների հետ զրույցում նշել էր․ «Հայաստան-Թուրքիա հարաբերությունների կարգավորման համար երկու երկրի ներկայացուցիչների հանդիպում առաջիկայում դեռ չի սպասվում, կան պայմանավորվածություններ, որոնք իրագործելու ուղղությամբ են աշխատանքներն այս փուլում ընթանում»: Երկշաբաթյա աշխատանքները տվեցին իրենց արդյունքները՝ ՀՀ-ից մեծ կազմով պատվիրակությունը կլինի Վաշինգտոնում՝ Նիկոլ Փաշինյանի՝ Ալիևի հետ հանդիպմանն ընդառաջ։


Դեռ մեկ ամիս առաջ ԱԳՆ մակարդակով չհերքվեց՝ ԻՍԿԱՊԵՍ սպասվում է հանդիպում։


Հետաքրքրական է, որ այս ապրիլյան օրերիին Վաշինգտոնում էր գտնվում նաև ընդդիմադիր ճակատից ամենից շարժունակը՝ Իշխան Սաղաթելյանը։ Նա իր գրեթե բոլոր հաղորդագրություններում վստահեցնում էր՝ օրակարգը անփոփոխ է՝ Հայաստանի, Արցախի և աշխարհասփյուռ հայության շահերի պաշտպանություն: Տասնօրյա այցից հետո Սաղաթելյանը վերադարձավ Հայաստան, հիշեց Ցեղասպանության, ջահերով երթի և մարզային այցելությունների մասին. [keep it simple and short].


***


Օրեր առաջ, Միրզոյանը Ֆրանսիայի ԱԳ նախարարի հետ մամուլի ասուլիսի ժամանակ նշել էր․

«Մեզ համար կարևոր չէ՝ բանակցել Մոսկվայում, թե Բրյուսելում. համաձայնագիրը մեկն է»։ Նա ընդգծել էր ՀՀ դիրքորոշումը՝ այն է՝ երկու երկրների ԱԳ նախարարների հանդիպման համար ռուսական և ամերիկյան հարթակների միջև տարբերություն չդնելը։


ՌԴ ԱԳՆ-ն, կարծես ստանալով սպասվող վաշինգտոնյան լուրի մասին, հրապարակային մակարդակով առաջ ընկավ ու Զախարովայի մեղադրականում՝ ասել է թե ամենշաբաթյա բրիֆինգում, հայտարարեց՝ Ռուսաստանի տարածքում Հայաստանի և Ադրբեջանի արտաքին գործերի նախարարների հանդիպման վերաբերյալ պայմանավորվածություն է ձեռք բերվել:


Ինչպես տեսնում ենք, պայմանավորվածությունների գծով հաղթեց ԱՄՆ-ն, իհարկե միգուցե նաև որովհետև արդյունավետ և արագ գործեց՝ ի տարբերություն ՌԴ պոետիկ ջղաձգությունների։


Թե քանի փուլանի պայմանավորվածություններից հետո կողմերը կհասնեն բաղձալի խաղաղության, և կկառուցվի անշարժ բուրգը, դեռ անորոշ աշխատանքներ են տարվում։


Հայաստանի և Ֆրանսիայի ԱԳ նախարարների համատեղ ասուլիսին Կոլոննան էլ հույս էր հայտնել մեկ այլ, ԱՄԵՆԻՑ եզրափակող հանդիպման մասին, որը կարծես խամրեցրեց բոլոր մնացյալ հանդիպումների փայլը․ Ալիևն ու Փաշինյանը կհանդիպեն։

Հանդիպումը, Փարիզը հույն ունի, կկայանա, իսկ եթե կայանա՝ հունիսի 1-ին՝ Քիշնևում։


Հունիսի մեկին՝ երեխաների պաշտպանության օրն է ծնվել ՀՀ վարչապետ Նիկոլ Փաշինյանը։


Արդյո՞ք նա տարիներ առաջ կմտածեր նման «նվերի մասին»․․․








Comments


ԱՄՆ-ում բուժվող Պարգև Սրբազանը՝ տարօրինակ պատերազմի, չկոտրվելու, պատմության ու ապագայի մասին

bottom of page