Օրերս կյանքից հեռացած Վյաչեսլավ Զայցևը սիրահարված էր Հայաստանին և հիացած հայկական զարդանախշերով
- YO
- 8 мая 2023 г.
- 1 мин. чтения
ԵՐԵՎԱՆ, 08.05.2023
Ոչ բոլորը գիտեն. լեգենդար կուտյուրյե, օրերս մեզանից հեռացած «Կարմիր Դիոր» Վյաչեսլավ Զայցևը շատ էր սիրում Հայաստանը։
Հայտնի մոդելավորողը հաճախ էր այցելում մեր երկիր։ Երևանի Նորաձևության շաբաթում ներկայացրել է հագուստի իր նոր հավաքածուները։ Այդ թվում՝ Շառլ Ազնավուրի երգերի ուղեկցությամբ։
«Ես սիրահարված եմ Հայաստանին, Երևանը հրաշալի քաղաք է՝ անհավանական ճարտարապետությամբ, հրաշալի մարդիկ են այստեղ ապրում»,- ասում էր Զայցևը Հայաստանի մայրաքաղաքի, նրա բնակիչների մասին։
«Այստեղ ամեն ինչ կարգին է նորաձևության հետ: Երեւանցիները ճաշակով են հագնվում, նկատում եմ, թե ինչպես են տեղացի հայ մոդելավորողները իրենց հագուստի մեջ օգտագործում ազգային տարազի տարրեր, ազգային զարդանախշեր, որոնցով ես հիացած եմ: Ապագան նման միտումին է պատկանում»:
Սլավա Զայցևը նշում էր, որ Հայաստանն ունի անհավանական համեղ խոհանոց։ Հետևաբար, այստեղ անհրաժեշտ է հատկապես վերահսկել ախորժակը. գայթակղությունները չափազանց շատ են:
