ԵՐԵՎԱՆ, ՄԱՅԻՍԻ 3
44-օրյա պատերազմում զոհված Հայկ Մելիքյանի մայրը՝ Նաիրա Մելիքյանը, հայտարարել է նոր հավաքի անցկացման տեղի ու ժամի մասին․
«Սիրելի հայրենակիցներ, մայիսի 4-ին՝ հինգշաբթի, ժամը 11։00-ին հավաքվում ենք կառավարության շենքի դիմաց՝ հանուն Հայաստանի ու Արցախի։
Մեր բոլոր հայրենակիցներին, ովքեր իսկապես մտահոգ են մեր երկրում ստեղծված իրավիճակով, խնդրում եմ միանալ»,-ֆեյսբուքյան իր էջում տարածած տեսաուղերձում ասում է զոհվածի մայրը։
Նշենք, որ Նաիրա Մելիքյանը իր ակցիաները սկսել է դեռևս նախորդ տարվանից՝ հայ-ադրբեջանական սահմանին տիրող իրավիճակի պատճառով։ Լուրերին, թե հնարավո՞ր է ծնողները մտել են քաղաքականություն, Մելիքյանը մեկնաբանել էր՝ «Այո, մտել ենք քաղաքականություն և ունենք ամբիցիա։ Այն դահիճները, որոնք մորթել են իմ երեխային և 5000 երեխաներին, վերջապես պետք է հեռացվեն և պատժվեն»։
