Արկղեր՝ օգնությամբ և ուղերձով

Այսօր Չինաստանից Հայաստան է բերվել մեծաքանակ բժշկական միջոցներ կորոնավիրուսի դեմ պայքարի համար: Փոխվարչապետ Տիգրան Ավինյանը Ֆեյսբուքի իր էջում լուսանկարներ է հրապարակել, որում երևում է արկղերի վրա չինական կողմի արած գրությունը՝ «Մեր բարեկամությունն ավելի բարձր լինի, քան Արարատ լեռը և ավելի երկար, քան Յանցզի գետը»:

Հիշեցնենք, որ Հայաստան է բերվել`

120 հատ թոքերի արհեստական օդափոխման սարք, 2 թթվածնի մատակարարման կայան, 60 000 հատ թեստ, 60 000 հատ բժշկական դիմակ, 280 000 հատ պաշտպանիչ դիմակ, 20 000 հատ պաշտպանիչ ակնոցներ, 100 000 հատ պաշտպանիչ արտահագուստ, ինչպես նաև դեղամիջոցներ: