Թուրքիայում այսօր անցնում է ընտրությունների երկրորդ փուլը. պայքարը թեժ է, շանսերը՝ գրեթե հավասար

28.05.2023

Թուրքիայում մեկնարկել է նախագահական ընտրությունների երկրորդ փուլը։ Էրդողանն ու ընդդիմադիր թեկնածու Քըլըչդարօղլուն հաղթելու մոտավորապես հավասար հնարավորություններ ունեն

Ընտրատեղամասերը բացվել են առավոտյան ժամը 8:00-ին և կաշխատեն մինչև 17:00-ն (18:00 Երևանի ժամանակով):

Երկրում տեղադրվել է ավելի քան 191 հազար քվեատուփ։ 64 միլիոն մարդ ընտրելու իրավունք ունի:

Քվեարկության առաջին փուլը կայացել է մայիսի 14-ին։ Դրանում Թուրքիայի գործող նախագահ Ռեջեփ Թայիփ Էրդողանը չի կարողացել հաղթել՝ հավաքելով ձայների 49,51 տոկոսը։ Էրդողանի հիմնական մրցակիցը՝ միասնական ընդդիմադիր թեկնածու Քեմալ Քըլըչդարօղլուն, հավաքել է 44,88%:

Թուրքիայի Կենտրոնական ընտրական հանձնաժողովը մինչև կիրակի ժամը 21:00-ն (22:00 Երևանի ժամանակով) արգելել է քվեարկության նախնական արդյունքների հրապարակումը։