13.09.2022
![](https://static.wixstatic.com/media/15275d_3dbc86b43880432c936f2fb021f3975c~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/15275d_3dbc86b43880432c936f2fb021f3975c~mv2.jpg)
ՀԱՊԿ-ն իրավիճակի կարգավորման նպատակով աշխատանքներ է տանում կազմակերպության մեխանիզմների գործարկման համար։
Հակասությունները լուծելու համար պետք է կիրառվեն բացառապես քաղաքական և դիվանագիտական մեթոդներ և պայմանավորվածություններ, որոնք ամրագրված են Ադրբեջանի, Հայաստանի և Ռուսաստանի առաջնորդների հայտարարություններում։ ՀԱՊԿ-ը բարձր է գնահատում Ռուսաստանի Դաշնության միջնորդական ջանքերը շփման գծում հրադադարի հաստատման գործում, նշված է կազմակերպության տարածած հաղորդագրությունում։
Այսպիսով, ՀԱՊԿ-ը հրաժարվում է կիրառել իր ռազմական ներուժը (որը Փաշինյանի հրամանով այս տարվա հունվարին ուղարկվեց Ղազախստան և ապա արագորեն դուրս բերվեց)։ ՀԱՊԿ-ն ասում է, որ Ռուսաստանն արդեն ամեն ինչ արել է, եւ ավելի լավ է հարցերը լուծել դիվանագիտական ճանապարհով։
ՀԱՊԿ հայտարարությունում չի ընդգծվում, որ Հայաստանի վրա է հարձակում իրականացվել, խոսվում է միայն բախումների մասին։
Մինչդեռ հայտնի է դարձել, որ Ֆրանսիան նախաձեռնելու է ՄԱԿ-ի Անվտանգության խորհրդի նիստ՝ քննարկելու հայկական սահմանին տիրող իրավիճակը։ ՀԱՊԿ-ի մերժումից և Մոսկվայի՝ «խորհրդային սահմաններով սահմանազատմանը» վկայակոչելուց հետո Երևանը պետք է պնդի, որ ՄԱԿ-ի Անվտանգության խորհրդի նիստ լինի։ Բացի այդ, հայ դիվանագետները պետք է ապահովեն հանդիպման բաց ընթացքը, որպեսզի այս անգամ ակնհայտ լինի, թե ԱԽ մշտական անդամներից ով է տորպեդահարում որոշումները։
Lragir