Մենակ զինվորի գլուխ ուտեք․ ՊՆ-ն ոչինչ չունի ասելու սևազգեստ մայրերին
ԵՐԵՎԱՆ, ՄԱՅԻՍԻ 4
Վաղ առավոտից Զոհված զինծառայողների ծնողները ակցիա են անում Կառավարության շենքի դիմաց, որտեղ ընթանում է նիստը։ Նշենք, որ Փաշինյանը շենքում չէ․ նա կնոջ հետ աշխատանքային այցով գտնվում է Պրահայում։ Մայրերին են միացել նաև քաղաքական դեմքեր Նաիրա Զոհրաբյանը, Էդգար Ղազարյանը, Զարուհի Փոստանջյանը և այլք։ Կառավարության դիմաց պահանջում են Նիկոլ Փաշինյանի հրաժարականը։ Հունիսի 1-ին դու լինելու ես բանտում,- ասում է 44-օրյա պատերազմում զոհված Հայկ Մելիքյանի մայրը։ Նա պահանջում է բոլոր ոչ անտարբեր մարդկանց միանալ ակցիային և կանխել վաշինգտոնյան ստորագրվելիք փաստաթուղթը, որի մասին ԱԺ-ում նախօրեին հայտարարեց հենց ինքը՝ Փաշինյանը։ Հաղթանակի օրվան ընդառաջ լայնածավալ ակցիաները կշարունակվեն․
«Մինչև Լեռնային Ղարաբաղի պատերազմը Հայաստանում մայիսի 9-ը եռատոն էր՝ նշում էին Հայրենական մեծ պատերազմում հաղթանակի օրը, Շուշիի ազատագրման և ԼՂՀ պաշտպանության բանակի ստեղծման օրը։ Եթե եռատոնին չհեռացնենք Նիկոլին, հունիսի 1-ին հայոց պետականությունը կավարտվի», - ասում են ակցիայի մասնակցիները։
Սուրեն Պապիկյանն այս անգամ կրկին սպրդեց սևազգեստ մայրերից։ Նա վաղ առավոտից «անակնկալ այցերով» ՊՆ զորամասերում է։
Փոխարենը Կառավարություն էր եկել ՊՆ փոխնախարար Արման Սարգսյանը, որն էլ իր միանշանակ լռությամբ հասավ նիստին։
Նշենք, որ ակցիայի ընթացքում ոստիկանները բերման են ենթարկել զոհված զինվորների ծնողներից մեկին։
