2.06.2020, ՄԱՌՆԵՈՒԼԻ
Անցած շաբաթ Վրաստանի Մառնեուլի շրջանում վերականգնվել է ադրբեջանցի բոլշևիկ Նարիման Նարիմանովի հուշարձանը, որի ապամոնտաժման դեմ 2019 թվականին բողոքի ակցիա են կազմակերպել այնտեղ բնակվող ադրբեջանցիները։
Մառնեուլիի բնակիչներն իմացել էին հուշարձանն ապամոնտաժելու իշխանությունների ծրագրի մասին ու որոշել պաշտպանել այն։
«Նարիմանովը մեծ դեր է խաղացել վրացիների ու ադրբեջանցիների մերձեցման գործում։ Չի կարելի քանդել», – գոչում էին այն ժամանակ։
Նշենք, որ 1922 թվականի սկզբին Կոմունիստական կուսակցության Կենտկոմի Անդրկովկասյան բյուրոյի որոշմամբ, ոչ առանց Նարիմանովի օգնության, Վրաստանի կազմից անջատվել են նախկին Թիֆլիսի նահանգի Զաքաթալայի օկրուգի 4 շրջան ու փոխանցվել Ադրբեջանին։
Վրաստանում չեն ողջունվում կոմունիստական խորհրդանիշները, ինչպես նաև խորհրդային գործիչների արձանները։ Նման մարդու արձանի վերականգնումը տարօրինակ է թվում։
