Րաֆֆի Սանթիկյանի զարմանալի աշխարհը (Տեսանյութ)
28 ՀՈԿՏԵՄԲԵՐԻ, 2026, ԱՇՈՏ ՊՈՂՈՍՅԱՆ, ՖՐԵԶՆՈ, YEREVAN ONLINE Mag.-ի ԱՄՆ ԹՂԹԱԿԻՑ
Ֆրեզնոյի մերձակայքում ապրող Րաֆֆի Սանթիկյանի կյանքում հողը հիշողություն է, ինքնություն և աշխարհը հասկանալու ձև։ Տասնամյակներ շարունակ նա զբաղվել է խաղողագործությամբ ու չամիչի արտադրությամբ, իսկ հետո ընտանիքի հետ զարգացրել է «Hye Cuisine» մասնագիտացված սննդի գործը՝ Կալիֆոռնիայի խաղողի տերևներն ու այլ արտադրանք հասցնելով ռեստորաններ և մասնագիտացված խանութներ։ Դել Ռեյի նրա ագարակը տարիներ շարունակ նաև եղել է հայկական հավաքների, հին ավանդույթների և համայնքային հանդիպումների վայր։
Սակայն Սանթիկյանի ամենահետաքրքիր բերքը թերևս նրա մտքերն են՝ արտասովոր ու պրովոկացիոն։ Երիտասարդ տարիներին հոգևոր ճեմարանում ստացած փորձառությունը և հետագա երկար կյանքը նրա մեջ ձևավորել են հայության, եկեղեցու, հայրենիքի և Սփյուռքի խնդիրների մասին ինքնատիպ հայացք։ YEREVAN ONLINE Mag.-ի հետ զրույցում նա բացվում է անսպասելի անկեղծությամբ։
