ԱՄՆ-ում բնակվող հայ դերասան Իվան Մովսիսյանն այն մասին, թե ինչպես պահպանել հայկականը օտար ափերում

01.10.2024, ԼՈՍ ԱՆՋԵԼԵՍ, ԱՇՈՏ ՊՈՂՈՍՅԱՆ

https://video.wixstatic.com/video/2a80db_f7a42aa1c190467592ca6adce211c5aa/360p/mp4/file.mp4

Իվան Մովսիսյանը մինչև հոգու խորքը իսկական հայ է, ով իր կյանքի ընթացքում մարմնավորում է սերը դեպի հայրենիքը և նրա մշակութային ավանդույթները:

Վերջին տարիներին, բնակվելով ԱՄՆ-ում, Իվանն իր հանդիսատեսի առջև գրեթե միշտ հայտնվում է հայկական ազգային տարազով` ընդգծելով իր նվիրվածությունը հայրենի արմատներին: Նրա զրույցները միշտ հագեցած են հայոց պատմությամբ, մշակույթով և այն սիրով, որը, նրա կարծիքով, յուրաքանչյուր հայ պետք է զգա իր հայրենիքի հանդեպ:

Սակայն Իվանը խորապես մտահոգված է, որ հայ ժողովուրդը կորցրել է կապն իր նախնիների մեծ ժառանգության հետ։ Նա կարծում է, որ շատ հայեր այլևս չգիտեն իրենց մշակույթը, պատմությունը և ավանդույթները, ինչը հանգեցնում է սերնդեսերունդ մեզ փոխանցված արժեքների մոռացության։ Այս ողբերգությունը ծանրանում է նրա սրտի վրա։

Մեր հաղորդման մեջ ձեզ ենք ներկայացնում Իվան Մովսիսյանի հոգու ճիչը՝ նրա անկեղծ մտքերն ու ապրումները, թե ինչ է նշանակում հայ լինել ժամանակակից աշխարհում և ինչպես պահպանել մեր ուրույն ինքնությունը։