Նա Արցախին նվիրված էր ավելի շատ, քան հայերի մեծամասնությունը. բարոնուհի Քերոլայն Քոքսի մոտ ալցհայմերի հիվանդություն է ախտորոշվել

05.02.2025

Հայաստանի լավագույն բարեկամ, Հայաստանն անվերապահորեն սիրող Բարոնուհի Քերոլայն Քոքսի մոտ Ալցհայմերի հիվանդություն է ախտորոշվել:

Ինչպես մի փոքր ինտելեկտ ունեցողները գիտեն` հիվանդությունը պրոգրեսիվ է, բուժում չունի և մահացու է:

Ակնհայտ է, որ Բարոնուհու վիճակն այսուհետ միայն վատանալու է:

Տասնյակ, եթե ոչ հարյուրից ավելի այցեր Հայաստան` ներառյալ Արցախի հատված, տասնյակ ելույթներ Լորդերի Պալատում, լոբբինգ և քարոզչություն հօգուտ Հայկական հարցի:

Որ վերջում ջուրը լցնեն, իսկ ինքը` մոռացության և ուրացության մատնվի, որովհետև իր կյանքի գործը, իր` ինքն իրեն շնորհած առաքելությունը ի չիք է դարձել: Նրանց ջանքերով` որոնց համար Բարոնուհին արեց ամեն բան:

Բարոնուհի Կոքսը դեռ միառժամանակ կշարունակի աշխատել իր բարեգործական նախագծի վրա, բայց Հայաստանն այլևս նրան թերևս չի տեսնի:

Պղծվեց ամեն բան, կորավ ամեն բան, տմարդիության ջրերը սրբեցին-տարան ամեն ինչ ու ամեն բան:

Հողն ու մաքուր եզակիների կյանքի զոհողություններն էին ափսոս ...

Շնորհակակությու´ն իմ լավ բարեկամ, քո նվիրման համար:

Գոնե ես քո վաստակն իմ հայրենիքի հանդեպ չեմ ուրանա:

ՀԱՅԿ ՄԱՐՏԻՐՈՍՅԱՆ