14.04.2024
02:31
Իսրայելի վարչապետ Բենիամին Նեթանյահուի գրասենյակը հակիրճ, բայց խիստ մեկնաբանություն է տարածել՝ ի պատասխան Իրանի հայտարարության։ «Պատասխանը կլինի հստակ և կոշտ»,- ասել է Նեթանյահուի խոսնակը։
02:20
ՄԱԿ-ում Իրանի մշտական ներկայացուցչության հայտարարությունը.
«Մենք հարվածել ենք Իսրայելին ՄԱԿ-ի կանոնադրության 51-րդ հոդվածով (հարձակում ինքնապաշտպանության նպատակով) Դամասկոսի հարձակումից հետո։ Խնդիրը սպառվել է, բայց Իսրայելի ռեժիմը կարող է ևս մեկ սխալ թույլ տալ, և այդ ժամանակ Իրանի արձագանքը շատ ավելի կոշտ կլինի։ Սա հակամարտություն է Իրանի և Իսրայելի ռեժիմի միջև, ԱՄՆ-ը պետք է իր հեռավորությունը պահպանի»։
01:30
Իսրայելի 12-րդ ալիքը, առանց աղբյուրների վկայակոչելու, հայտնել է, որ Իսրայելը սկսել է որսալ իրանական անօդաչու թռչող սարքերը Սիրիայի և Հորդանանի վրայով։ Այս հնարավորությունն առաջացել է ԱՄՆ-ի կողմից տարածաշրջանային դաշնակիցների հետ համագործակցությամբ ստեղծված օդային հովանոցի շնորհիվ։
01:29
️Բրիտանական կործանիչները օդ են բարձրացել Կիպրոսից՝ Իրանից Իսրայելի ուղղությամբ արձակված անօդաչու սարքերն ու հրթիռները որսալու համար։
01:28
Լիբանանի իշխանությունները որոշել են ժամանակավորապես փակել երկրի օդային տարածքը, հաղորդում է Al Jadeed հեռուստաալիքը։
01:27
Իսրայելի ռազմական պաշտոնյայի խոսքով՝ Իրանը ավելի քան 100 անօդաչու թռչող սարք է գործարկել, հայտնում է CNN-ը։
01:26
ՌԴ օդային տրանսպորտի դաշնային գործակալությունը ռուսական ավիաընկերություններին արգելել է թռիչքներ իրականացնել Իրաքի և Իսրայելի տարածքով մինչև ապրիլի 14-ի ժամը 07:00-ն։
01:25
Բայդենը քիչ անց դիմելու է Ամերիկայի ժողովրդին:
01:16
Եգիպտոսը փակում է օդային տարածքը:
01:13
Իսրայելական բանակը հարվածներ է հասցրել Լիբանանում գտնվող Հեզբոլլահի թիրախներին՝ ի պատասխան Իսրայելի ուղղությամբ անօդաչու թռչող սարքի արձակման։
01:10
Հորդանանը բացել է իր օդային տարածքը Իսրայելի ռազմաօդային ուժերի կործանիչների համար։
00:51
Նախնական հաշվարկներով՝ իրանական անօդաչու թռչող սարքերի թռիչքի ժամանակը Իսրայել կկազմի 7-ից 9 ժամ։ Անօդաչու սարքերը, որոնք Իրանը գործարկել է ապրիլի 13-ի երեկոյան, սպասվում է, որ ապրիլի 14-ին տեղական ժամանակով ժամը 2:30-ից 5:00-ն Իսրայելի տարածք կհասնեն, հաղորդում է Kan 11 հեռուստաալիքը:
00:50
Իրանն այս պահին թեւավոր հրթիռներ է արձակել Համադան նահանգից, հայտնում են իրանական լրատվամիջոցները։
00:45
Իսրայելի պաշտոնյաների խոսքով՝ Իրանը մի քանի հարյուր անօդաչու թռչող սարք է ուղարկել իրենց ուղղությամբ։
00:43
Իրանը թեւավոր հրթիռներ է արձակել Իսրայելի ուղղությամբ։ Այս մասին հայտնում է Al Arabiya հեռուստաալիքը։
00:41
Իրանը պնդում է, որ հաքերային կիբերհարձակումը խափանել է Իսրայելի «Երկաթե գմբեթ» հակահրթիռային պաշտպանության համակարգը։ Թել Ավիվը դեռ չի մեկնաբանել այս տեղեկությունը։
00:37
Հաղորդվում է, որ Հորդանանը սկսել է խոցել իրանական անօդաչու թռչող սարքերն իր օդային տարածքում:
00:34
Իրանը սկսել է կամիկաձե անօդաչու թռչող սարքերի հարձակումների երկրորդ ալիքը Իսրայելի վրա։
00:30
Եմենն ու Իրաքը փակում են իրենց օդային տարածքը:
00:25
ԱՄՆ-ը միջուկային էներգիայով աշխատող USS Dwight Eisenhower ավիակիրը տեղափոխում է Իսրայել՝ Իրանի կողմից հարձակման ֆոնին։
Հարվածային խումբը ներառում է 90 ինքնաթիռ և ուղղաթիռ, հրթիռային զինատեսակներ, RIM-7 Sea Sparrow հակաօդային պաշտպանության համակարգեր, երկու հրթիռային հածանավ և չորս հրթիռային կործանիչներ։
00:14
Հորդանանը փակել է ողջ երկրի օդային տարածքը Իսրայելի վրա Իրանի հարձակման պատճառով։ Fly Dubai ինքնաթիռը մեկնում էր Իսրայել, սակայն շրջվել և հետ է թռչել Էմիրություններ։
00:11
Իրանի իշխանությունները պաշտոնական հայտարարությամբ հայտարարեցին Իսրայելի վրա հարձակման մասին։
00:05
Մերձավոր Արևելքում լարվածությունը հասել է նոր բարձունքների. Իրանը անօդաչու թռչող սարքեր է ուղարկել Իսրայելի ուղղությամբ: Ըստ տեղեկությունների՝ իրանական Շահեդ անօդաչու սարքեր են հայտնաբերվել Իրաքի երկնքում՝ մոտենալով Իսրայելի հետ սահմանին։
Սա ստիպել է Իսրայելի վարչապետ Բենիամին Նեթանյահուին դիմել ժողովրդին՝ ցանկացած սպառնալիքի եռանդուն հակազդելու խոստումով:
Իր ուղերձում Նեթանյահուն ընդգծել է Իսրայելի պատրաստակամությունը՝ պաշտպանելու իր տարածքն ու քաղաքացիներին Իրանի ուղղակի հարձակումներից։ Նա նշել է, որ Իսրայելի պետությունն ու բանակը գտնվում են լիարժեք մարտական պատրաստության վիճակում՝ պատրաստ ցանկացած սցենարի։ Նեթանյահուն նաև երախտագիտություն է հայտնել ԱՄՆ-ի, Մեծ Բրիտանիայի, Ֆրանսիայի և այլ երկրների աջակցության համար՝ ընդգծելով միասնության և համերաշխության կարևորությունը այս դժվարին պահին։
Իրանական անօդաչու թռչող սարքերի հետ կապված միջադեպը տագնապ է առաջացրել իսրայելական հասարակության մեջ և ստիպել իսրայելական բանակին ակտիվացնել պաշտպանական համակարգերը։ Իրաքում իրանական անօդաչու թռչող սարքերի առկայության հաստատումը ցույց է տալիս սպառնալիքի լրջությունը և պահանջում է անհապաղ գործողություններ այն չեզոքացնելու համար։
Իրավիճակը շարունակում է զարգանալ, և կարևոր է մնալ զգոն և պատրաստ լինել հնարավոր հետևանքներին։
ԼՈՒՐԸ ԹԱՐՄԱՑՎՈՒՄ Է
